Министр Қызылорда облысында ТЖМ бөлімшелерінің даму перспективалары туралы айтты

ТЖ министрі Юрий Ильин Қызылорда облысында халықпен кездесу барысында бөлімшелердің жарақталуы туралы айтты.

«Бірінші бұл өрт сөндіру бөлімшелерін жарақтау. Облыс бойынша 16 бөлімше өрттен қорғайды. Бұл жеткіліксіз, бірінші кезекте қосымша 2 бөлімше қажет,- деп Министр атап өтті.

Иелікте әртүрлі мақсаттағы 106 бірлік техника бар, жарақталуы 72%-ды құрайды.

Жергілікті атқарушы органдардың қолдауымен биыл 44 бірлік өрт сөндіру және құтқару жабдықтары сатып алынды. Министрлік 3 өрт сөндіру машинасын сатып алды, жыл соңына дейін тағы 3 өрт сөндіру бекеті жеткізіледі деп күтілуде. Оған қоса, әкімдіктер салған 22 өрт сөндіру бекеті қызмет атқарады. Олар 107-ден астам азамат тұратын 52 елді мекенді өртке қарсы қорғауды қамтамасыз етеді»,- деп Юрий Ильин хабарлады.

 

 

ҚР ТЖМ баспасөз қызметі