Біздің арамыздағы батырлар
Өрт сөндіру және авариялық-құтқару жұмыстары қызметі бастығының орынбасары, азаматтық қорғау подполковнигі Асет Ерболұлы Сердалин 5-ші маусым күні кешке жұбайы Махаббат және екі қызы Айлин мен Айыммен жартасты соқпақ ауданында серуендеді. Әдеттегі жаздың кеші болды. Кенеттен Әсет Ерболұлы "Помогите, тонет"деген айқайды естиді.
Ойланбастан Әсет суға секіріп, жігітке қарай жүзді, ол оның жанында екенін түсіндіріп, тынышталуын өтінді, жігіт тынышталды, бірақ оның төменгі аяғындағы бұлшықеті құрыысып қалды. Сонда Әсет шашынан ұқыпты ұстап, жағаға қарай бірге жүзеді. Осы уақытқа дейін тағы екі жігіт жүзіп келіп, батып бара жатқан адамды жағаға қауіпсіз шығарды. Оған жасанды тыныс алудың қажеті жоқ болатын, өйткені құтқарылған адам есін білетін еді. Әсет өз отбасына оралып, әрі қарай серуендеуді жалғастырды.
Әсет Сердалин Солтүстік Қазақстан облысы, Шал ақын ауданы, Жаңасу ауылында дүниеге келген. Білімі жоғары. 2007 жылы ҚР ТЖМ Көкшетау техникалық институтын "Өрт қауіпсіздігі бакалавры"мамандығы бойынша бітірді. Еңбек жолын 2007 жылы Солтүстік Қазақстан облысы бойынша "Өрт сөндіру және авариялық-құтқару жұмыстары қызметі" мемлекеттік мекемесі филиалының Тайынша ауданы 15-ӨСБ-де қарауыл бастығы болып бастады және әр түрлі лауазымдарда жұмыс істеді. 2021 жылғы 19 наурыздан бастап Әсет Ерболұлы "Маңғыстау облысы Төтенше жағдайлар департаментінің Өрт сөндіру және авариялық-құтқару жұмыстары қызметі" мемлекеттік мекемесі бастығының орынбасары міндетін атқарады.
Мүмкіндікті пайдалана отырып, Әсет Ерболұлының бір марапаты туралы айтқым келеді, 2016 жылғы 14 желтоқсанда ҚР ІІМ Төтенше жағдайлар комитетінде Қазақстан Республикасы Тәуелсіздігінің 25 жылдығын мерекелеуге арналған салтанатты іс-шара өтті. ҚР Президентінің Жарлығына сәйкес әскери және қызметтік борышын үлгілі атқарғаны, ерлігі мен қайсарлығы үшін "Ерлігі үшін" төс белгісімен "ҚР ІІМ ТЖК Солтүстік Қазақстан облысы ТЖД Өрт сөндіру және авариялық-құтқару жұмыстары қызметі" ММ Өрт сөндіру қызметі жедел кезекшісінің орынбасары азаматтық қорғау майоры Әсет Ерболұлы Сердалин марапатталды.
2016 жылғы 24 маусымда түнгі 03 сағат 15 минутта "101" қызметінің диспетчерінің пультіне Петропавл қаласының Я.Гашек көшесі, 3 "а" бойынша екі қабатты үйдің пәтерлерінің бірінде өрт туралы дабыл қоңырауы түсті. Төтенше жағдай орнына келген құтқарушылар 2-қабаттағы үйдің ішінде ортақ дәліз, қабырғалар мен төбе жабынының жанып жатқанын анықтады, бұл ретте пәтерлердің бірінің есігі отпен жабылып, барлық пәтерлерге қалың түтін еніп кетті. Сыртта от шатырға жайылды және оттың терезе саңылауы арқылы шатыр бөлмесіне өту қаупі туындады. Әсет Сердалин дұрыс шешуші бағытты таңдап, екі қабатты үйдің түтінді пәтерлерінен адамдарды құтқаруды және көшіруді ұйымдастырды, ГТҚҚ буынын жеке өзі басқарды, түтінге толған пәтерлерге кірді және 7 қарт адамды құтқарды, оларды жедел жәрдем қызметкерлеріне берді, Петропавл қаласының 2-МӨСБ жеке құрамы қалған тұрғындарды көшіруді ұйымдастырды. Барлығы 55 адам көшірілді, оның ішінде 23 бала, жарылыстың алдын алу үшін пәтерлерден 13 газ баллоны шығарылды.
Маңғыстау облысы ТЖД Өрт сөндіру және авариялық - құтқару жұмыстары қызметінің қоғаммен байланыс тобы