Алматыда ҚР Тәуелсіздігінің 30 жылдығына орай жаңа өрт сөндіру депосы ашылды
Мерейлі датаны мерекелеу құрметіне Алатау ауданында Алматы әкімі Бақытжан Сағынтаев пен ТЖ бірінші вице-министрі Ибрагим Күлшімбаевтың қатысуымен заманауи өрт сөндіру депосының салтанатты ашылуы өтті.
Мегаполис әкімі Б. Сағынтаев өрт сөндіру депосының, ТЖД қызметкерлері мен ардагерлерін ең басты мереке – 30 жылдық мерейтойымен, Тәуелсіздік күнімен құттықтады.
«Тәуелсіздіктің арқасында еліміз, қаламыз өсіп, дамып келеді. Бүгін біз жоспарлы түрде Жаңа Алматының қалаға қосылған шағын аудандарында жайлы өмір сүру жағдайларын қамтамасыз етеміз. Сонымен қатар, қоғамдық қауіпсіздік күшейтіліп, полиция бекеттері және биыл екінші рет өрт сендіру депосы ашылуда», - деді Б. Сағынтаев қала тұрғындарының игілігі үшін жақсы қызмет тіледі.
Өз кезегінде Төтенше жағдайлар бірінші вице-министрі Ибрагим Күлшімбаев Алматы қаласының әкімдігіне өрт сөндіру депосын ашуға, жаңа техника сатып алуға қолдау білдіргені үшін алғыс айтты.
Жаңа өрт сөндіру депосының жалпы алаңы 3930 шаршы метр 6 шығу орындарымен есептелген, оқиға орнына дейін жол жүру уақытын қысқартуға мүмкіндік береді және Алатау ауданының Индустриалды аймағын, оның ішінде Саялы, Көк-Қайнар, Томирис, Мәдениет шағын аудандары мен 71 разъездің өрт қауіпсіздігін қамтамасыз ету жөніндегі жұмыстың тиімділігін арттырады.
Ауданның белсенді дамуын ескере отырып, өрт сөндіруге арналған техникамен қатар, бөлік арнайы автотехникамен жабдықталған, оның ішінде биік ғимараттарға арналған.
«Мұнда 131 қызметкер жұмыс істейді. Бөлімде негізгі және арнайы мақсаттағы 10 заманауи өрт сөндіру автомобильдері орналасады. Жеке құрам үшін тұрмыстық үй-жайлар, демалыс бөлмелері, психологиялық жеңілдету бөлмесі, тренажер спорт залы қарастырылған», - деді Алматы қаласы ТЖД басшысы Руслан Қасымбаев.
Кәсіби дайындық үшін оқу-жаттығу мұнарасы, кедергілері бар 100 метрлік жолақ бар. Сондай-ақ, гарнизон қызметкерлері үшін жатақхана мен пәтерлер қарастырылған.
Еске салсақ, ағымдағы жылдың қыркүйек айында Наурызбай ауданында жаңа өрт сөндіру депосы іске қосылды. Қазір Бостандық ауданының Нұр-Алатау шағын ауданында өрт сөндіру депосының құрылысы жүріп жатыр.
«Жаңа Алматы» кешенді жоспарын орындау аясында Алматы жыл басынан әкімдігінен 44 бірлік өрт сөндіру автотехникасы, өрт сорғы станциясы, екі өрт сөндіру автоцистернасы, он төрт өрт сөндіру автоцистернасы, жеті жылдам әрекет ету автомобилі, жеңдік автомобиль, авариялық-құтқару автомобилі, үш УАЗ автомобилі, шағын автобус, самосвал, екі жүк автомобилі алынды.
ҚР ТЖМ баспасөз қызметі