ТЖМ тұрғын үй секторындағы профилактикалық іс-шараларды жалғастыруда

  ТЖМ өрттер санын азайтуға бағытталған профилактикалық іс-шараларды тұрақты негізде жүргізуде. Бұл жұмыс жыл бойы жүргізілуде, ал жылыту маусымы кезінде бұл жұмыстың векторы тұрғын үй секторына бағытталады.

  Жылыту маусымы басталар алдында өрт қауіпсіздігіне тексерілген және тұрақты аулаларды аралау барысында қайта қаралатын халықтың әлеуметтік осал топтарының 100 мыңнан астам үйі ерекше бақылауда. Анықталған өрт қауіпсіздігі талаптарына сәйкессіздіктер міндетті түрде тұрғындарға жеткізіледі.

  Тексеру барысында негізінен пеш жабдықтары мен электр желілерін пайдалануға байланысты бұзушылықтар, мысалы, пештер мен мұржалардағы жарықшақтар, пеш алдындағы қаңылтырдың болмауы, жанғыш конструкциялардан өртке қарсы ауытқудың болмауы, электр желілерінің шамадан тыс жүктелуі, электр сымдарының оқшаулауының бұзылуы және т.б. анықталады.

  Бұл бұзушылықтарды жою көбінесе үлкен шығындарды қажет етпейді бірақ қайғылы жағдайдың алдын алады.

  Бүгінгі таңда бұрын өрт қауіпсіздігі бұзушылықтар анықталған 32 мың үйдің 60% кемшіліктері түзетілді.

  Жергілікті атқарушы органдармен және волонтерлермен бірлескен жұмыс шеңберінде халықтың әлеуметтік осал топтарының үйлерінде 39 мыңнан астам улы газ, табиғи газ және түтін датчигі орнатылды.

  ТЖМ азаматтарды өз үйлеріндегі өрт қауіпсіздігі мәселелеріне жауапкершілікпен қарауға және қарапайым қауіпсіздік ережелерін сақтауға шақырады:

  - тек жұмыс істейтін пештер мен электр құрылғыларын пайдаланыңыз;

  - пештердің қызып кетуіне және электр желілерінің шамадан тыс жүктелуіне жол бермеңіз;

  - мұржаны күйеден уақытында тазалаңыз;

  - пеш пен электр құрылғыларының ақаулықтарын үнемі тексеріп отырыңыз;

  - балаларға пешті жағуға тапсырмаңыз;

  - сіріңке мен тұтандырғыштарды балалардың қолы жетпейтін жерлерде сақтаңыздар.