"Жүк көтеру механизмдерінің (мұнара крандарының) операторларына байланысты өндірістік жарақаттануды болдырмау және өлім-жітімді азайту" тақырыбында кеңес өткізілді

2024 жылғы 21 маусымда Қазақстан Республикасы Төтенше жағдайлар министрлігінің Өнеркәсіптік қауіпсіздік комитетінің Қостанай облысы бойынша департаментінде мұнара крандарын пайдаланатын ұйымдардың өкілдерімен "2023 – 2025 жылдарға арналған елдің құрылыс объектілерінде жүк көтеру механизмдерінің (мұнара крандарының) операторларына байланысты өндірістік жарақаттануды болдырмау және өлім-жітімді азайту" тақырыбында кеңес өткізілді.

Кеңес барысында қатысушылармен келесі мәселелер талқыланды:

- жүк көтергіш механизмдерді (мұнара крандарын) пайдалану кезінде өнеркәсіптік қауіпсіздікті қамтамасыз ету тәртібін айқындайтын "Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының" талаптары;

- "Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының" талаптарын бұзғаны үшін Қазақстан Республикасының қолданыстағы заңнамасына сәйкес жауапкершілік түрлері түсіндірілді;

- Қазақстан Республикасы бойынша құрылыс алаңдарында мұнара крандарымен болған апаттардың статистикалық деректері келтірілді.

Кеңес қорытындысы бойынша келесі ұсыныстар берілді:

1. Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының талаптарын сақтау (Қазақстан Республикасы Инвестициялар және даму министрінің 30.12.2014 №359 бұйрығымен бекітілген).
2. Жүк көтергіш механизмдерді (мұнара крандарын) пайдалану кезінде ақаттар мен инциденттердің туындауын болдырмау мақсатында кешенді және профилактикалық іс-шараларды жүзеге асыру.
3. Қауіпті өндірістік объектілерді техникалық қайта жарақтандырудың қалыптастырылған жиынтық жоспарын іске асыру шеңберінде жүк көтергіш механизмдерді (мұнара крандарын) белгіленген мерзімдерде жаңартуды және техникалық қайта жарақтандыруды жүргізу.

 

ҚР ТЖМ ӨҚК Қостанай облысы бойынша департаменті