ӨҚК «Қазақстанның тау-кен конгресіне» қатысты
ТЖМ өнеркәсіптік қауіпсіздік комитеті мен аумақтық департаменттерінің қызметкерлері 15-16 мамырда Астанада өткен 2-ші Халықаралық тау-кен конгресі мен «Қазақстанның тау-кен конгресі» көрмесіне қатысты. Қазақстанның тау-кен конгресі бизнесті дамыту және республиканың минералдық-шикізат секторын халықаралық аренада ілгерілету алаңы бола отырып, тау-кен өнеркәсібі саласындағы маңызды оқиға болып табылады.
Бұл іс-шара Өзбекстан, Тәжікстан және Қырғызстанды қоса алғанда, Қазақстан, Ресей және Орталық Азия елдерінен 150-ден астам тау-кен компанияларының негізгі көшбасшыларын біріктірді. Сондай-ақ, тау-кен өнеркәсібінің сарапшылары мен халықаралық инвесторлар қатысты. Талқылау үшін негізгі мәселелер инвестицияларды тарту мүмкіндіктері, ТБК салу және жаңғырту бойынша жобаларды іске қосу және кен орындарын игеру болды.
Конгресс шеңберінде тау-кен байыту комбинаттарын салу, жаңғырту, қуаттылықты кеңейту және жаңа кен орындарын игеруді қоса алғанда, 20-дан астам ірі инвестициялық жобалар талқыланды, сондай-ақ тау-кен өндірістеріне арналған жаңа жабдықтар мен озық шешімдерді қоса алғанда, жоба өкілдерінің баяндамалары таныстырылды. Конгресс сонымен қатар тау-кен кәсіпорындарында экология саласындағы заңнамалық актілерді іс жүзінде іске асырудың маңызды рөлі мен маңыздылығын қозғады.
Кәсіпорындарды және инфрақұрылымның техникалық аспектілерін жайластыру мәселелері жөніндегі дөңгелек үстел барысында Комитеттің басқарма басшысы Дәулет Сейілханов Комитеттің өнеркәсіптік қызметті қадағалауда да, оның дамуында да рөлінің маңыздылығын атап өтіп, сессияның модераторы болып, сессияның мақсаттарына жету үшін талқылауды ұйымдастыруға және негізгі мәселелерді ашуға ықпал етті.
Конгресс жұмысының нәтижелері Қазақстанның жаһандық тау-кен өнеркәсібін дамытуға және оны экономиканың тиімді, экологиялық және бәсекеге қабілетті саласына айналдыруға үлес қосуға бағытталды. Комитет үшін бұл Конгресс саланың ағымдағы жағдайын талдау үшін де, өнеркәсіптік нысандарда қауіпсіздікті қамтамасыз етуде және өндірістегі тәуекелдерді азайтуда жаңа мүмкіндіктерді іздеуде озық тәжірибелер мен инновацияларға қол жеткізу үшін де маңызды оқиға болды.
ҚР ТЖМ Өнеркәсіптік қауіпсіздік Комитеті