Маңғыстау облысында оқу дабылы өткізілді

2023 жылғы 20 қыркүйекте Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің мемлекеттік инспекторлары «Бозашы Оперейтинг ЛТД» ФК қауіпті өндірістік объектілерінде өнеркәсіптік қауіпсіздік саласында профилактикалық бақылау және қадағалау жүргізу кезінде «№ 2 өлшеу қондырғысындағы H-G202 сепаратор-жылытқышындағы өрт» тақырыбында аварияға қарсы дабыл беру және аварияға қарсы оқу-жаттығуларына қатысты.

Аварияға қарсы жаттығудың мақсаты объектінің авария мен инцидентті жоюға дайындығын анықтау, персоналдың жою кезіндегі өз іс-әрекеттерін білуі, зардап шеккендерге алғашқы медициналық көмек көрсету болып табылады.

Оқу дабылы мен аварияға қарсы оқу-жаттығулардың нәтижелері бойынша Комитетітің мемлекеттік инспекторларымен аварияны жоюға тартылған персоналдың іс-қимылдарына бағалау жүргізіліп, «Бозашы Оперейтинг ЛТД» ФК және авариялық-құтқару қызметтерінің персоналы тарапынан іс-қимылдарға ескертулер көрсетілді, оларды болашақта қайталамау бойынша ұсынымдар берілді.

 

ҚР ТЖМ Өнеркәсіптік қауіпсіздік комитеті