«Кентау Трансформатор зауыты» АҚ профилактикалық бақылау нәтижелері

Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің Түркістан облысы бойынша департаментінің мемлекеттік инспекторлары Өнеркәсіптік қауіпсіздік комитетінің өкілдерімен бірлесіп, 2023 жылғы бірінші жартыжылдыққа өнеркәсіптік қауіпсіздік саласындағы бақылау және қадағалау субъектісіне (объектісіне) бару арқылы профилактикалық бақылау жүргізу тізіміне сәйкес, «Кентау Трансформатор зауыты» АҚ қауіпті өндірістік объектілеріне профилактикалық бақылау жүргізді.

Кәсіпорын қызметінің негізгі түрі электрқозғалтқыштар, генераторлар және трансформаторлар жасау болып тыбылады.

Профилактикалық бақылау барысында 142 объекті (жүк көтергіш механизмдер, қысымда жұмыс істейтін жабдықтар және басқа) тексеріліп, бұл ретте Қазақстан Республикасының өнеркәсіптік қауіпсіздік саласындағы заңнамасы талаптарының 63 бұзушылығы анықталды. Мемлекеттік инспекторлармен профилактикалық бақылау нәтижелері туралы акті және анықталған бұзушылықтарды жою туралы ұйғарым берілді.

Профилактикалық бақылау нәтижесі бойынша кәсіпорын өкілдерімен кеңес өткізілді, онда профилактикалық бақылау барысында анықталған бұзушылықтар қаралды, оларды жою мерзімдері талқыланды, сондай-ақ Қазақстан Республикасының өнеркәсіптік қауіпсіздік саласындағы заңнамасының, оның ішінде: «Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының» және «Қысыммен жұмыс істейтін жабдықтарды пайдалану кезінде өнеркәсіптік қауіпсіздікті қамтамасыз ету қағидаларының» талаптыры түсіндірілді.

 

ҚР ТЖМ ӨҚК Түркістан облысы бойынша департаменті