«ҚазТрансГаз Өнімдері» ЖШС тексеру нәтижелері

Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің Атырау облысы бойынша департаментінің мемлекеттік инспекторлары 2022 жылғы 01 тамыздан 19 тамызға дейінгі аралықта бекітілген кестеге сәйкес өнеркәсіптік қауіпсіздік саласындағы 2022 жылдың екінші жартыжылдығына «ҚазТрансГаз Өнімдері» ЖШС қауіпті өндірістік объектілері мен қауіпті техникалық құрылғыларына тексеру жүргізді.

Кәсіпорынның негізгі қызметі – автокранға, көтергішке, қысымды қондырғыларға техникалық қызмет көрсету және жалға беру болып табылады.

Тексеру барысында кәсіпорында өнеркәсіптік қауіпсіздікті қамтамасыз етуге өндірістік бақылауды жүзеге асыру бойынша ұйымдастыру-рұқсат беру құжаттамасы қаралды және 3 қауіпті өндірістік объекті (автомобиль крандары және көтергіш) тексерілді. Өнеркәсіптік қауіпсіздік саласындағы заңнама талаптарының 5 бұзушылығы анықталды. Мемлекеттік инспекторлармен анықталған бұзушылықтарды жою туралы ұйғарым берілді және «Әкімшілік құқық бұзушылық туралы» ҚР Кодексінің 298-бабы 1-бөлігі бойынша айыппұл түрінде әкімшілік жаза салынды.

Тексеру қорытындысы бойынша кәсіпорын өкілдерімен кеңес өткізілді, онда тексеру барысында анықталған бұзушылықтар қаралды, оларды жою мерзімдері талқыланды, сондай-ақ Қазақстан Республикасының өнеркәсіптік қауіпсіздік саласындағы заңнамасының, оның ішінде «Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының» талаптары түсіндірілді.

 

ҚР ТЖМ Өнеркәсіптік қауіпсіздік комитеті