«РАЙГАЗ» ЖШС тексеру нәтижелері

Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің Солтүстік Қазақстан облысы бойынша департаментінің мемлекеттік инспекторлары, 2022 жылдың екінші жартыжылдығына өнеркәсіптік қауіпсіздік саласындағы ерекше тәртіп бойынша тексерулер жүргізу кестесіне сәйкес «РАЙГАЗ» ЖШС-нің қауіпті өндірістік объектілері мен қауіпті техникалық құрылғыларына тексеру жүргізді.

Кәсіпорын сұйылтылған көмірсутекті газды сақтаумен және өткізумен айналысады, бұл ретте кәсіпорын қауіпті техникалық құрылғыларды пайдаланады.Тексеру барысында 32 объекті (сұйылтылған көмірсутекті газ қоймасы, АГҚС және толтыру пункттері) тексерілді. Өнеркәсіптік қауіпсіздік саласындағы заңнама талаптарының 91 бұзушылығы анықталды. Мемлекеттік инспекторлармен анықталған бұзушылықтарды жою туралы ұйғарым берілді және «Әкімшілік құқық бұзушылық туралы» ҚР Кодексінің 298-бабы 1-бөлігі бойынша айыппұл түрінде әкімшілік жаза салынды.

Өнеркәсіптік қауіпсіздік талаптарының негізгі бұзушылықтары:

- өнеркәсіптік қауіпсіздік саласында заңды тұлғалар басшыларының, мамандарды, қызметкерлерді даярлауды, қайта даярлауды және білімін тексеруді қамтамасыз ету бойынша талаптардың сақтамауы;

- уәкілетті органның аумақтық бөлімшесін оқу дабылдарын жүргізу туралы жазбаша хабардар етудің болмауы;

- қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және жоюға арналған өнеркәсіптік қауіпсіздік саласында бекітілген және келісілген жобалау құжаттамасынсыз АГҚС-ты пайдалану;

- арматураның ашылу және жабылу бағытын көрсететін бекіту арматурасының арматурасы мен маховиктерінде таңбалаудың болмауы;

- шкалада пайдалану жағдайларына сәйкес келетін бөлу шамасының деңгейінде қызыл сызық манометрінің болмауы;

- манометрлерге тексеру жүргізу туралы белгісі бар пломбалардың немесе таңбалардың болмауы және басқалар болып табылады.

Тексеру қорытындысы бойынша кәсіпорын өкілдерімен кеңес өткізілді, онда тексеру барысында анықталған бұзушылықтар қаралды, оларды жою мерзімдері талқыланды, сондай-ақ Қазақстан Республикасының өнеркәсіптік қауіпсіздік саласындағы заңнамасының, оның ішінде «Қысыммен жұмыс істейтін жабдықтарды пайдалану кезінде өнеркәсіптік қауіпсіздікті қамтамасыз ету қағидаларының» талаптары түсіндірілді.

 

ҚР ТЖМ Өнеркәсіптік қауіпсіздік комитеті