"Комаров тау-кен кәсіпорны" ЖШС тексеру нәтижелері

Қазақстан Республикасы Төтенше жағдайлар министрлігі өнеркәсіптік қауіпсіздік комитеті Қостанай департаментінің инспекторлары "Комаров тау-кен кәсіпорны" ЖШС қауіпті өндірістік объектілеріне тексеру жүргізді.

Тексеру барысында: жарылыс жұмыстары жүргізілетін учаскелер, зертхана, прекурсорлар қоймасы, күшті әсер ететін улы заттар қоймасы, қауіпті техникалық құрылғылар, оның ішінде пайдалану мерзімі өтіп кеткен қауіпті техникалық құрылғылар, дизель отынын уақытша сақтау қоймасы, газ шаруашылығы, компрессорлық қондырғылар, Аршылысай құрылыс тасының карьері тексерілді. Тексеру нәтижелері бойынша өнеркәсіптік қауіпсіздік талаптарының 22 бұзылуы анықталды, олардың сипаттамасы келісілген жобалау құжаттамасынан жұмыстарды жүргізу, компрессорлық қондырғыларды қауіпсіз пайдалану және қызмет көрсету бойынша технологиялық регламенттің болмауы болып табылады. Инспекторлар анықталған бұзушылықтарды жою туралы ұйғарым жасап, Әкімшілік құқық бұзушылық туралы кодекстің 298-бабының бірінші бөлігі бойынша Әкімшілік құқық бұзушылық туралы іс қозғады.