"АрселорМиттал Теміртау " Акционерлік қоғамының көмір департаменті "Саран" шахтасын тексеру нәтижелері

Қазақстан Республикасы Төтенше жағдайлар министрлігі өнеркәсіптік қауіпсіздік комитетінің Қарағанды департаментінің инспекторлық құрамы ағымдағы жылғы 19 шілде мен 9 тамыз аралығында "АрселорМиттал Теміртау" Акционерлік қоғамының көмір Департаментінің "Саран" шахтасына тексеру жүргізді.

Тексеру нәтижелері бойынша өнеркәсіптік қауіпсіздік талаптарының 234 бұзылуы анықталды. Бұзушылықтардың негізгі бөлігі тау-кен қазбаларын күтіп ұстауға және уақтылы жөндеуге, таспалы конвейерлерді, "Феррит" дизель-гидравликалық локомотивтерді пайдалануға, электр жабдықтарын пайдалануға және өртке қарсы қорғаныс жағдайына келеді.

Инспекторлар анықталған бұзушылықтарды жою туралы ұйғарым жасап, Әкімшілік құқық бұзушылық туралы кодекстің 298-бабының бірінші бөлігі бойынша Әкімшілік құқық бұзушылық туралы іс қозғады. Адамдардың өмірі мен денсаулығына қауіп төндіретін өнеркәсіптік қауіпсіздік талаптарын өрескел бұзғаны үшін Департамент Қарағанды облысының мамандандырылған ауданаралық экономикалық сотына ОТП 70 (Феррит №2) дизельді-гидравликалық локомотивін пайдалануды тоқтата тұруға және К6 қабатының 5-ші Шығыс далалық жылжымалы қуақазынан Электровозды тасуға талап-арыз береді.