«Линде Газ Казахстан» ЖШС өнеркәсібінде ерекше тәртіппен жүргізілген тексеріс бойынша

ҚР ТЖМ Өнеркәсіптік қауіпсіздік комитетінің Қарағанды облысы бойынша департаментінің тексеру парақтарына және Кәсіпкерлік Кодексіне сәйкес бекітілген жартыжылдық тексеру кестесінің негізінде 2021 жылдың 1-21 маусым аралығында «Линде Газ Казахстан» ЖШС ерекше тәртіп бойынша тексеру жүргізілді.

Тексеру объектісі қауіпті өндірістік объектілер және техникалық құрылғылар болды: №1,2 ауа бөлу қондырғысы, компрессорлар, қысыммен жұмыс істейтін жабдықтар, жүк көтергіш механизмдер.

Тексеру барысында өнеркәсіптік қауіпсіздік талаптарының бұзушылықтары анықталды, атап айтқанда: "Азаматтық қорғау туралы" Қазақстан Республикасының Заңына  2021 жылғы 01 сәуірдегі № 26-VII өзгерістерге, "ЛиндеГаз Қазақстан" ЖШС қауіпті өндірістік объектілеріндегі өндірістік бақылау туралы Ережеге сәйкес, "Өнеркәсіптік қауіпсіздік саласындағы өндірістік бақылау" Заңының 40-бабының 2,3,4,5-тармақтарына сәйкес тиісті толықтырулар мен өзгерістер енгізілмеген»; өнеркәсіптік қауіпсіздікті декларациялайтын заңды тұлғалардың басшыларын даярлауды, қайта даярлауды және білімін тексеруді қамтамасыз ету жөніндегі талаптар сақталмайды; көтергіштердің шекті жүгін шектегішті бақылау жүгімен сынау жүргізілмейді.

Тексеру нәтижесі бойынша «Линде Газ Казахстан» ЖШС -на тексеру нәтижесі туралы акті мен бұзушылықтарды жою мерзімдері көрсетілген нұсқама берілді. Қазақстан Республикасының Әкімшілік құқық бұзушылық туралы Кодексінің 1 т. 298 бабына сәйкес заңды тұлға «Линде Газ Казахстан» ЖШС әкімшілік жауапкершілікке тартылды.