Талдықорған қаласындағы өндіріс орындарында өнеркәсіптік қауіпсіздік талаптарының сақталуы қатаң бақылауға алынды

      Жетісу облысы ТЖД Өнеркәсіптік қауіпсіздік басқармасы «ASMA Industrial Ltd» ЖШС-не жоспарлы тексеру жұмыстарын жүргізді. Бақылау іс-шаралары барысында кәсіпорынның аса қауіпті нысандары, атап айтқанда: құю цехы, химиялық заттар қоймасы, газ шаруашылығы құрылғылары, сондай-ақ қазандықтар мен қысыммен жұмыс істейтін жабдықтардың жай-күйі тексерілді.

      Аталған жұмыстар өндірістік нысандардағы төтенше жағдайлардың алдын алуға және азаматтардың қауіпсіздігін қамтамасыз етуге бағытталған. Тексеру қорытындысы бойынша анықталған кемшіліктерді жою - өндірістік қауіпсіздік мәдениетін арттыруға және жазатайым оқиғалардың алдын алуға бағытталған маңызды қадам.