Кәсіпорында апаттық жағдайға ден қою шаралары пысықталды

Ұлытау облысы Жайрем кентіндегі Полиметалл байыту фабрикасында  «Техникалық құрылғының жөндеуге себеп болған қазандық оттықтарындағы жарылыс» тақырыбындағы жоспарлы оқу-жаттығу жиыны өтті. Шараға Ұлытау облысы ТЖД Өнеркәсіптік қауіпсіздік басқармасының мамандары, «ЖГОК» АҚ ұжымы мен «ЗевсЭнерго» ЖШС құтқару жасақтары тартылды. Қатысушылар эвакуациялау алгоритмдерін орындап, күштер мен құралдардың өзара байланысын жетілдірді. Тексеріс нәтижесінде кәсіпорынның төтенше жағдайға әзірлік деңгейіне баға беріліп, өндірістік қауіпсіздікті одан әрі нығайту бойынша тиісті ұсынымдар әзірленді.