Мұнара крандарын техникалық куәландыру және өнеркәсіптік қауіпсіздік талаптары

ҚР Төтенше жағдайлар министрлігі Ақтөбе облысы ТЖД Өнеркәсіптік қауіпсіздік басқармасы мемлекеттік инспекторының қатысуымен мердігер ұйымға тиесілі тұрғын үй құрылысы алаңындағы мұнара крандарына тексеру жүргізілді. Аталған іс-шара барысында жауапты тұлғаларға «Азаматтық қорғау туралы» ҚР Заңының, «Жүк көтергіш механизмдерді пайдалану кезінде өнеркәсіптік қауіпсіздікті қамтамасыз ету қағидаларының» талаптары, сондай-ақ мемлекеттік қызмет көрсету тәртібі түсіндірілді. Өнеркәсіптік қауіпсіздік ережелерін сақтау өндірістегі авариялардың, оқыс оқиғалар мен жазатайым жағдайлардың алдын алуға бағытталған.