Бүгін Архимед Мұхамбетовтың төрағалығымен барлық деңгейдегі әкімдермен селекторлық кеңес өтті, оның барысында бірқатар мәселелер қарастырылды.

Бірінші мәселе - Қостанай облысының жергілікті маңызы бар автожолдарын қысқы күтіп ұстауға дайындау туралы. Жергілікті маңызы бар автомобиль жолдарын ұстауға биыл облыстық бюджеттен 1,5 млрд. теңге бөлінді. Ағымдағы жылы жол басқармасы 2022 жылдың соңына дейін 11-ші мердігерлік жол ұйымдарымен облыстық маңызы бар автожолдарды күтіп ұстау жөнінде шарттар жасасты. Облыста жергілікті желінің автожолдарына қызмет көрсету үшін барлығы 269 бірлік қар тазалау техникасы бар.

Әрі қарай «Ауыл – ел бесігі» жобасының іске асырылу барысы қарастырылды. Жалпы, 2019-2021 жылдар аралығында «Ауыл – ел бесігі» жобасы аясында 142,6 мың адам тұратын 35 ауылда 14,4 млрд.теңгеге 214 жоба іске асырылды. Ағымдағы жылы облыстың 38 тірек және спутниктік ауылдарында 80 жобаны іске асыруға 7 млрд. 543 млн. теңге қарастырылған. Бүгінгі таңда 65 жоба аяқталды. 8 жоба аяқталу сатысында, тағы 3 жоба жыл соңына дейін аяқталады, қалған жобалар келесі жылға ауысады.

Үшінші мәселе - облыста 2022-2023 жылдардағы жылыту маусымының өтуі туралы. Облыста 2022-2023 жылыту маусымы жоспарлы режимде өтуде. Барлық нысандар жылумен жабдықтау жүйесіне қосылған. Ағымдағы жылдың қараша айындағы жағдай бойынша 401,8 мың тонна көмір дайындалды. Барлық білім беру және денсаулық сақтау нысандары көмірмен толық қамтамасыз етілген. Облыс халқы үшін 25 тұйықтағы көмір көлемі 24,5 мың тоннаны құрайды.

Сондай-ақ қаңғыбас және қараусыз қалған үй жануарларына арналған баспаналарды ұйымдастыруға қатысты мәселе қаралды.
Қазіргі уақытта қаңғыбас иттер мен мысықтардың санын реттеу мәселесі өзекті болып қала береді.
«Жануарларға жауапкершілікпен қарау туралы» Қазақстан Республикасы Заңының күшіне енуіне байланысты 2022 жылғы 2 наурыздан бастап қаңғыбас иттер мен мысықтарды аулауға және өлтіруге тыйым салынады. Осы Заңды іске асыру мақсатында ҚР экология, геология және табиғи ресурстар министрінің бұйрықтарымен және облыс жұртшылығы мен зооқорғаушылардың пікірін ескере отырып, 2022 жылғы 17 қазанда облыстық мәслихаттың кезектен тыс сессиясында бекітілген үлгілік қағидалар қабылданды.