Құрметті қостанайлықтар!

Биыл біз еліміздің басты мерекесі - Қазақстан Республикасы Тәуелсіздігінің 30 жылдығын атап өтеміз! Сіздерді Ұлттық мерекемен шын жүректен құттықтаймын! Тарихи өлшем бойынша 30 жыл – бұл қысқа мерзім, қарқынды дамып келе жатқан мемлекеттің қалыптасу және даму жасы.
Елбасы Нұрсұлтан Әбішұлы Назарбаевтың дана, көреген және сындарлы саясатының арқасында Қазақстан Республикасы Тәуелсіздік жылдарында өзінің егемендігі мен халықаралық беделін нығайтты. Бүгінде біздің еліміз әлемдік қоғамдастықтың белсенді және танымал қатысушысы, шетелдік әріптестермен сындарлы және тиімді ынтымақтастық жүргізуде.
​​Өз кезегінде, Мемлекет Басшысы Қасым-Жомарт Тоқаев Ұлт Көшбасшысының бағытын жалғастыра отырып, қоғам өмірінің түрлі салаларында реформаларды белсенді жүзеге асыруда.
Айта кету керек, Тәуелсіздік жылдары Қостанай облысы экономикалық көрсеткіштердің оң өсу қарқынын тұрақты ұстап келеді.
Қостанай облысының елдің азық-түлік қауіпсіздігін қамтамасыз етуге қосқан үлесі әрбір қазақстандыққа белгілі. Біздің облыс Қазақстанның басты астық өңірі болып саналады.
Бүгінгі таңда өңірді дамытудың негізгі драйверлері өнеркәсіп, оның ішінде өңдеу секторы, құрылыс және т.б.
Атап айтқанда, біздің облыс республиканың машина жасау орталығына айналды. Осының арқасында Қостанай облысы аграрлық-индустриялық өңірге айналды.
Осы жетістіктердің барлығы қостанайлықтардың ерен еңбегінің арқасында қол жеткізілді.

Құрметті жерлестер!

Сіздерге шын жүректен зор денсаулық, бақыт, бейбітшілік пен келісім, еңбекте табыс, жаңа жетістіктер, тұрақтылық пен ынтымақ тілеймін! Сіздердің барлық бастамаларыңыз болашақ ұрпақтың игілігі үшін, Отанымыздың игілігі үшін табысты, нәтижелі болсын!

Қостанай облысының әкімі А.Мұхамбетов