Ерлан Жаманов Алтынсарин ауданының әкімі болып тағайындалды

Қостанай облысының әкімі Архимед Мұхамбетов Алтынсарин ауданына жұмыс сапары аясында аудан активіне жаңа аудан әкімін таңыстырды. Бұл лауазымға Ерлан Жаманов тағайындалды.

Ерлан Жаманов 1968 жылы Қостанай облысы, Амангелді ауданы, Степняк ауылында дүниеге келген.

Білімі жоғары: Қарағанды мемлекеттік медицина институтын гигиенист-дәрігер мамандығы бойынша бітірген, сандай-ақ Е.Бөкетов атындағы Қарағанды мемлекеттік университетін оқып бітірді. Мамандығы - заңгер.

Бұған дейін Арқалық қаласы әкімінің орынбасары қызметін атқарған, 2013 жылдан бастап Денисов ауданын басқарған.