Бүгін 22 қарашада Қостанай облысы бойынша Қазынашылық Департаменті және оған бағынышты аудандық және қалалық мекемелерімен семинар-кеңес өткізілді. Кездесу барысында:
Қоқышев С.Б. - Қостанай облысы әкімі аппаратының әдеп жөніндегі уәкілі;
Евгений Бедыч – ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қостанай облысы бойынша Департаментінің өкілі.
Әдеп кодексінің, мемлекеттік қызмет және сыбайлас жемқорлыққа қарсы іс-қимыл туралы заңдардың нормаларын сақтау бойынша түсіндірмелер берілді. Сыбайлас жемқорлыққа қарсы іс-қимылдың қолданыстағы шаралары, сыбайлас жемқорлыққа қарсы саясат жөніндегі бағдарламалық құжаттар, сыбайлас жемқорлыққа қарсы заңнамаға түзетулер, мемлекеттік органдардың халық алдындағы есеп беруін, ашықтығын және қол жетімділігін қамтамасыз ету тетіктері туралы хабардар етілді. Жобалық басқаруды іске асыру шеңберінде - «Сыбайлас жемқорлыққа қарсы мәдениетті нығайту» бағыты бойынша №4 Үлгілік Базалық Бағыт (ҮББ-4), сыбайлас жемқорлыққа қарсы мәдениет бойынша ақпараттық-түсіндіру жұмыстарын және сыбайлас жемқорлыққа қарсы заңнаманың нормалары туралы өңір халқын хабардар ету бойынша түсіндіру іс-шаралары жүргізілді.