Жоспарға сәйкес ТжКББ барлық 33 ұйымында жалпы 6360 адам қамтылған «Студенттік парламент», 636 студент қамтылған пікірсайыс қозғалысы ұйымдастырылған. Пікірсайыс студенттері 2023-2024 оқу жылында колледжішілік деңгейден республикалық деңгейге дейінгі 58-тан астам пікірсайыс турнирлеріне қатысты, онда жоғары адамгершілік, шешендік шеберлік, көшбасшылық және әртүрлі идеялар мен пікірлерге құрмет қасиеттерін көрсетті.
«Құқық және тәртіп фракциясының» студенттері жастар арасында парасаттылық қағидаттарын енгізуге ықпал ететін «Саналы ұрпақ» ерікті клубтарының құрамына кірді (2995 адамды қамту). Клубтар сыбайлас жемқорлыққа қарсы мәдениетті қалыптастыру бойынша іс-шаралар өткізді, жалпы 10 мыңнан астам студент қамтылды.
Еріктілер қозғалысы студенттердің өзін-өзі басқаруында ерекше орын алады, ол еркін, рухани бай, толерантты, адамгершілігі мол тұлғаны қалыптастыруға ықпал ететін міндеттерді жүзеге асыру негізінде құрылады.
Барлық колледждерде еріктілер отрядтары жұмыс істейді, 2023 жылы – 12000 студент қамтылды.