Машина жасау саласында 2023 жылғы 1 сәуірдегі жағдай бойынша облыс бойынша 35 кәсіпорны жұмыс істейді, оның ішінде 31 шағын, 2 орта және 2 ірі («Сарыарқаавтопром» ЖШС, «Агромашхолдинг KZ» АҚ), оларда 3,4 мыңнан астам адам жұмыс істейді.
Қостанай облысында машина жасау саласында мынадай кәсіпорындар жұмыс істейді: «СарыарқаАвтоПром» ЖШС (автомобильдер өндіру), «АгромашХолдингKZ» АҚ (қозғалтқыштарға арналған жинақтауыштарды (тораптар мен бөлшектер) өндіру, комбайндар мен Тракторларды құрастыру, ауыл шаруашылығы техникасына қосалқы бөлшектер өндіру), «Қостанай агромеханикалық зауыты» ЖШС (ауыл шаруашылығы техникасына қосалқы бөлшектер өндіру), «Қостанай трактор зауыты» ЖШС, «Композит Групп Казахстан» ЖШС (тракторлар өндіру), «Дон Мар» ЖШС (тіркемелі жалпы дестелегіштер өндірісі) және басқалары.
Облыстың өңдеу өнеркәсібі құрылымындағы машина жасау саласының үлесі 2023 жылғы қаңтар-наурызда 55,1% құрады.
Облыстың машина жасау кәсіпорындары 2023 жылғы қаңтар-наурызда 237,9 млрд. теңгеге өнім өндірді, бұл сәйкес кезеңнен 84,3% артық (2022 жылғы қаңтар- наурызда– 129,1 млрд. теңге). Нақты көлем индексі – 142,9%.
2023 жылғы қаңтар-ақпанда 18 306 автомобиль жиналды, бұл сәйкес кезеңнен 37,2% артық (2022 жылы қаңтар-наурызда– 12 398 бірлік), 2964 автомобиль экспортталды.