Спорт

Дене шынықтыру және спорт саласында мынадай жұмыстар жүргізілуде: жеке тұлғалардың тұрғылықты жері бойынша және олардың көпшілік демалатын орындарда спортпен шұғылдануы үшін жағдайлар жасау, спорт түрлері бойынша спорттық-бұқаралық және дене шынықтыру-сауықтыру іс-шараларын өткізу және ұйымдастыру. Спорт түрлері бойынша аудандық құрама командаларды даярлауды және олардың облыстық, республикалық және халықаралық спорттық жарыстарға қатысуын қамтамасыз ету. Аудан аумағында бұқаралық спортты және ұлттық спорт түрлерін дамытуды қамтамасыз ету, аудан аумағында дене шынықтыру-спорт ұйымдарының қызметін үйлестіру. Спортшыларға: 2-разрядты спортшы, 3-разрядты спортшы, 1-жасөспірімдік-разрядты спортшы, 2-жасөспірімдік-разрядты спортшы, 3-жасөспірімдік-разрядты спортшы спорттық разрядтарын беру жөніндегі жұмыстарды ұйымдастыру, біліктілігі жоғары деңгейдегі екінші санатты жаттықтырушы, біліктілігі орта деңгейдегі екінші санатты жаттықтырушы, біліктілігі жоғары деңгейдегі екінші санатты әдіскер, біліктілігі орта деңгейдегі екінші санатты әдіскер, біліктілігі жоғары деңгейдегі екінші санатты нұсқаушы-спортшы, спорт төрешісі біліктілік санаттарын беру жөніндегі жұмыстарды ұйымдастыру, спорттық-бұқаралық іс-шаралардың бірыңғай күнтізбесін қалыптастыру, дене шынықтыру мен спортты дамыту бойынша ақпарат жинау және талдау бойынша жұмыстар жүргізу, спорт түрлері бойынша құрама командалардың аудандық тізімдерін қалыптастыру, ресми дене шынықтыру және спорттық іс-шараларды медициналық қамтамасыз етуді ұйымдастыру, аудан аумағында спорттық ғимараттардың халыққа қолжетімділігіне жәрдемдесу, спорттық ұйымдарға әдістемелік және консультациялық көмек көрсету, дене шынықтыру және спорт саласындағы жетістіктерді және салауатты өмір салты қағидаттарын насихаттау, спорт, жергілікті мемлекеттік басқару мүддесінде өзге де функцияларды жүзеге асыру.