ЖОБА
Қауымдық сервитут
белгілеу туралы
2003 жылғы 20 маусымдағы Қазақстан Республикасының Жер кодексінің 69-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 35-бабына сәйкес Федоров ауданы Федоров ауылдық округінің әкімі ШЕШІМ ҚАБЫЛДАДЫ:
- «Қостанай облысы әкімдігінің энергетика және тұрғын үй-коммуналдық шаруашылық басқармасы» мемлекеттік мекемесіне Қостанай облысы, Федоров ауданы, Федоров ауылдық округі, Федоров ауылының аумағында орналасқан газ құбырына қызмет көрсету мақсатында жалпы алаңы 9,1763 гектар жер учаскесіне қауымдық сервитут белгіленсін.
- «Федоров ауданы Федоров ауылдық округі әкімінің аппараты» мемлекеттік мекемесі Қазақстан Республикасының заңнамасында белгіленген тәртіппен:
1) осы шешімді аумақтық әділет органында мемлекеттік тіркеуді;
2) осы шешімді ресми жарияланғаннан кейін Федоров ауданы Федоров ауылдық округі әкімдігінің интернет-ресурсында орналастыруды қамтамасыз етсін.
- Осы шешімнің орындалуын бақылауды өзіме қалдырамын.
- Осы шешім алғашқы ресми жарияланған күнінен кейін он күнтізбелік күн өткен соң қолданысқа енгізіледі.
Федоров ауданы
Федоров ауылдық округінің әкімі В. Воробкало