Абаттандыру-бұл азаматтардың өмір сүру жағдайларының жайлылығын қамтамасыз етуге және арттыруға, аумақтың санитарлық және эстетикалық жағдайын сақтауға және жақсартуға бағытталған аумақты күтіп ұстау, сондай-ақ абаттандыру объектілерін жобалау және орналастыру жөніндегі іс-шаралар кешені.
ҚАЗАҚСТАН РЕСПУБЛИКАСЫНЫҢ КОДЕКСІ
ӘКІМШІЛІК ҚҰҚЫҚ БҰЗУШЫЛЫҚ ТУРАЛЫ
(11.02.2024 ж. жағдай бойынша өзгерістер мен толықтырулармен)
505-бап. Қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым объектілерін бұзу, қала мен елді мекендердің жасыл желектерін жою және зақымдау
1-бөлімге ҚР 02.01.21 ж. № 403-VI (2021 ж. 1 шілдеден бастап қолданысқа енгізілді) Заңына сәйкес өзгерістер енгізілді (стар қараңыз. ред.)
Осы Кодекстің 381-1-бабында көзделген жағдайларды қоспағанда, қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым объектілерін бұзу, қалалар мен елді мекендердің жасыл желектерін жою және зақымдау, -
Жеке тұлғаларға - жиырма, шағын кәсіпкерлік субъектілеріне немесе коммерциялық емес ұйымдарға - отыз, орта кәсіпкерлік субъектілеріне - қырық, ірі кәсіпкерлік субъектілеріне-жүз айлық есептік көрсеткіш мөлшерінде ескерту жасауға немесе айыппұл салуға әкеп соғады.
Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекеттер, -
Жеке тұлғаларға - отыз, шағын кәсіпкерлік субъектілеріне немесе коммерциялық емес ұйымдарға - қырық, орта кәсіпкерлік субъектілеріне - елу, ірі кәсіпкерлік субъектілеріне-үш жүз айлық есептік көрсеткіш мөлшерінде айыппұл салуға әкеп соғады.