Қостанай облысында 2026 жылғы вегетациялық кезеңде сумен қамтамасыз ету бойынша іркілістер мен ауыл шаруашылығына қажетті су тапшылығы болған жоқ. Бұл туралы брифингте «Қазсушар» РМК Қостанай филиалы директорының міндетін атқарушы Сәкен Қоқышев мәлімдеді. Суару жұмыстарына 20,3 млн текше метр су беріліп, су пайдалануға шарт жасасқан 64 тұтынушының барлығы сумен қамтамасыз етілді. Жалпы суармалы жер көлемі 6,5 мың гектардан асты.
«Тобыл-Торғай бассейндік су инспекциясы» РММ басшысы Алмат Абжановтың айтуынша, өңірде ауыл шаруашылығы дақылдарын суаруға арналған арнайы су пайдалануға 109 рұқсат берілген. Сонымен қатар 7,2 мың гектардан астам алқапта су үнемдеу технологиялары қолданылды.
«Қазгидромет» РМК Қостанай облысы бойынша филиалының директоры Әділ Ахметовтің хабарлауынша, гидрометеорологиялық мониторинг жаз айларында ауа температурасының жоғары болғанын, ал шілде мен тамызда жауын-шашынның жеткіліксіз түскенін көрсетті. Қазіргі уақытта өзендердегі су деңгейін бақылау жұмыстары жалғасуда.
Бүгінде көпжылдық реттеу режиміндегі су қоймалары 70 пайызға толған. Оларда 981,3 млн текше метр су жиналған. Су қауіпсіздігін қамтамасыз ету және алдағы су тасқыны кезеңіне дайындық мәселелері тиісті қызметтердің басым бағыттарының қатарында қалып отыр.
ЕGov Mobile мобильді қосымшасында отбасының әл-ауқатын бағалауға арналған жаңа сервис пайда болды. Ол 2027 жылғы 1 қаңтардан бастап кейбір мемлекеттік көмектерді отбасының нақты жағдайы мен мұқтаждығына қарай көрсету тәртібіне көшу аясында іске қосылды.
Калькулятор арқылы азаматтар отбасының әл-ауқатын бағалау талаптарымен танысып, отбасының саламаттылық деңгейін анықтай алады. Бұл ретте отбасының табысы мен мүлкі ғана емес, отбасы құрамы, балалардың, қарт адамдардың және мүгедектігі бар адамдардың болуы сияқты әлеуметтік жағдайлар да ескеріледі. Бағалау алты бағыт бойынша 59-дан астам көрсеткішке сүйенеді.
Айта кетерлігі, есеп адамның өзі енгізген мәліметтер негізінде жүргізіледі және тек ақпараттық сипатқа ие. Яғни калькулятордың нәтижесі әлеуметтік төлем тағайындау немесе оны тоқтату туралы шешім болып саналмайды.
Қостанай облысында күзгі-қысқы кезеңде өрт қауіпсіздігін қамтамасыз ету бойынша профилактикалық жұмыстар жалғасуда. Қостанай облысы Төтенше жағдайлар департаменті Мемлекеттік өрт бақылау басқармасының бастығы Дәурен Сариновтың айтуынша, тұрғын үйлердің қауіпсіздігіне, жылыту жабдықтарының жай-күйіне және халықтың әлеуметтік осал топтарын қолдауға ерекше назар аударылады.
Жылыту маусымына дайындық аясында ерекше назар аударуды қажет ететін 5 090 отбасының үйлері араланды. Жергілікті атқарушы органдар мен волонтерлердің қатысуымен 763 үйдің мұржасы күйеден тазартылды.
Тұрғындардың қауіпсіздігін арттыру мақсатында 1 234 көміртегі тотығы датчигі сатып алынды. Қазіргі уақытта оның 1 171-і орнатылған. Қалған датчиктерді орнату жұмыстары жылыту маусымы бойы жалғасады.
Бұдан бөлек, ведомство халық арасында түсіндіру жұмыстарын жүргізуде. Жылыту маусымына дайындық басталғалы бері бұқаралық ақпарат құралдарында өрт қауіпсіздігі талаптарын сақтау туралы 1 800-ден астам ақпараттық материал жарияланды. Ағымдағы оқу жылында профилактикалық сабақтар 418 жалпы білім беретін ұйымды қамтып, 196 мыңнан астам оқушыға өткізілді.
Нашақорлық құралдарын, алкоголь мен темекі өнімдерін қоса алғанда, психоактивті заттарды тұтыну мәселесі кәмелетке толмағандардың денсаулығы мен әл-ауқатына төнетін ең өзекті қауіптердің бірі болып қала беруде. Жасөспірімдік кезең қоршаған ортаның теріс ықпалына жоғары осалдықпен, өзін-өзі танытуға және тәжірибе жасауға ұмтылумен сипатталады, бұл зиянды әдеттердің қалыптасуына әкелуі мүмкін.
Есірткі, алкоголь және темекі тұтыну баланың физикалық және психикалық денсаулығына жойқын әсер етеді, дамуын баяулатады, оқу үлгерімін төмендетеді, тәуелді мінез-құлықты қалыптастырады және құқық бұзушылықтарға себеп болуы мүмкін. Ерте жастан тұтынудың басталуы ерекше қауіпті, себебі кәмелетке толмағанның ағзасы әлі толық қалыптаспаған және уытты әсерге аса сезімтал болады.
Аталған құбылыстардың алдын алу жүйелі әрі кешенді сипатта болуы тиіс және отбасының, білім беру ұйымдарының, медицина қызметкерлерінің және мемлекеттік органдардың бірлескен жұмысын қамтуы қажет. Балалар мен жасөспірімдерде берік өмірлік құндылықтарды, зиянды ұсыныстардан бас тарту дағдыларын, өз денсаулығына жауапкершілікті және салауатты өмір салтын саналы түрде таңдауды қалыптастыру маңызды рөл атқарады.
Тиімді профилактика мыналарды көздейді:
-кәмелетке толмағандарды психоактивті заттарды тұтынудың зияны мен салдары туралы ақпараттандыру;
-оң қызығушылықтарды дамыту, спортқа, шығармашылыққа және қоғамдық пайдалы қызметке тарту;
-отбасында сенімді қарым-қатынасты қалыптастыру;
-қауіп факторларын ерте анықтау және балалар мен жасөспірімдерге уақтылы қолдау көрсету.
Салауатты өмір салты, ересектер тарапынан көрсетілетін қолдау және қолайлы әлеуметтік орта баланың үйлесімді дамуының негізі және зиянды әдеттерден сенімді қорғау болып табылады.
Меншік құқығы — азаматтардың тұрақтылығы мен қауіпсіздігін қамтамасыз ететін маңызды кепілдіктердің бірі.
Қазақстан Республикасы Конституциясының 29-бабына сәйкес, азаматтардың заңды түрде сатып алған кез келген мүлкін жеке меншігінде ұстауға құқығы бар. Меншік құқығы мен мұрагерлік құқыққа заңмен кепілдік беріледі. Сонымен қатар ешкімді өз мүлкінен сот шешімінсіз айыруға болмайды. Мемлекет мұқтажы үшін мүлікті мәжбүрлеп иеліктен шығару заңда көзделген ерекше жағдайларда және оның құны тең дәрежеде өтелген жағдайда ғана жүзеге асырылады.
Меншік құқығын қорғау тетіктері Қазақстан Республикасының Азаматтық кодексінде де белгіленген. Кодекстің 259–267-баптарына сәйкес, меншік иесі өз құқығын тануды, мүлкін басқа тұлғаның заңсыз иеленуінен қайтаруды және өз құқықтарының бұзылуын жоюды талап етуге құқылы. («Әділет» ақпараттық-құқықтық жүйесі)
Меншікті қорғау — азаматтар мен кәсіпкерлердің еңбегінің нәтижесін және заңды мүдделерін қорғау. Өз құқықтарын білу және заң талаптарын сақтау құқық бұзушылықтардың алдын алуға әрі қоғамдағы құқықтық мәдениетті нығайтуға ықпал етеді.
Меншікке құрметпен қарау, заңдылық пен әр адамның жауапкершілігі — әділетті әрі құқықтық қоғамның маңызды негіздері.
#МеншіктіҚорғау #ЗаңМенТәртіп
#ҚұқықЖәнеБостандық #ҚұқықтықМәдениет
#ӘділеттіҚоғам #Қазақстан
Нашақорлық-бұл есірткіге деген ауырсынумен сипатталатын жағдай. Бүгінгі таңда мұндай құралдарға 200-ден астам атау кіреді, олардың ішінде апиын, гашиш, кокаин, дезоморфин. Нашақорлыққа тәуелділік психикалық бұзылумен, ал кейбір науқастарда соматикалық көріністермен бірге жүреді.
Нашақорлық – әлемді алаңдатып отырған өзекті мәселенің бірі. Есті алатын есірткі заттарына тәуелділік талай жанның тағдырын талқан еткенін тәжірибеден көріп, біліп жүрміз. Өкініштісі, нашаға әуестенген бір адамның зауалы бүкіл отбасына, жақындарына теріс әсер етеді.
Нашақорлық - наркомания ( грек тілінен narke - мелшию және mania - ессіздік, құтырыну) - есірткі заттарға патологиялық дағдыланудың нәтижесінде пайда болатын созылмалы ауру. Нашақорлықтың салдарынан тек қана ішкі дүние мүшелері зақымданып қоймайды, сонымен қатар: жүрек, жүрек тамырлары, жүйке, асқорыту, эндокриндік жүйелер де зақымдалады. Нашақорлық жұқпасы ауру іспетті, бірақ онымен көбінесе өз еркімен ауырады. Нашақор адам 1 жылда кем дегенде 5 адамды осы әрекетке тартып, ауруын жұқтырады.
Есірткі заттарын әуелі қызығушылық үшін қолданатындар көп. Бұған ғаламтордағы ақпараттың ашықтығы, топтық психология, еліктеушіліктің ықпалы орасан зор. Білместікпен, әрі «дәмін көрейін» деген әуестікпен жаңа дүниені тұтынғандардың тәуелділікке бірте-бірте таңылуы оп-оңай. Алайда, олар бұл қызығушылықтың салдарын ойлай бермейді. Шындығында есірткіні үнемі, тұрақты түрде қолдану көп қаржыны қажет етеді. Қолында қаражаты жоқтардың алдымен өз отбасындағы жарамды, құнды заттарды саудалап, кейіннен қылмысқа баруы жиі кездеседі. Яғни, бір қылмыс екінші қылмысты тудырады.
Қылмыстық кодексте есірткі заттарын қолданып, сатып, тасымалдаушыларға жаза ауыр. Бірақ солай екен деп есірткіден бас тартып жатқандар көп дей алмаймыз. Есірткі заттарын тасымалдап, жеткізіп берген жастар «ешкімге зиянымыз жоқ, нашақорлар бәрібір өзіне керегін тауып алады, ендеше неге жазалануымыз керек» деп қате ойлайды. Жалпы, заңды білмеу жазадан құтқармайды.
Салауатты өмір салтын насихаттайтын адамдар, көбінесе спортшылар, жас ұрпақты спортпен және салауатты өмір салтымен таныстыруға тырысады. Сонымен қатар, олар есірткіге қарсы қорларға көп қаражат бөледі.
Алкоголизм – алкогольге қатты тәуелділік. Алкогольді теріс пайдалану оған төзімділікті тудырады, бұл алкогольді көп мөлшерде тұтынуды арттыруға, сондай-ақ дененің қорғаныс реакциясы – құсуды өшіруге көмектеседі. Бұл маскүнемдікке әкелуі мүмкін.
Сонымен қатар, алкоголизм маңызды әлеуметтік проблемалардың бірі болып табылады: алкогольдің әсерінен жол-көлік оқиғасының әсерлі бөлігі, қылмыстық құқық бұзушылықтар жасалады.
Екі ұғым бар: алкогольді теріс пайдалану және алкогольге тәуелділік. Алкогольді теріс пайдалану өмірде, соның ішінде жұмыста, жеке қарым-қатынаста көптеген мәселелерге әкелуі мүмкін.
Алкогольді асыра пайдаланған адам алкогольге тәуелділікке жетуі мүмкін. Мұны бірнеше белгілер арқылы түсінуге болады:
- алкогольді ішуге деген қатты қалау;
- ішімдіктің уақыты мен мөлшерін бақылауды жоғалту;
- құсудың жоғалуына және дененің тұрақтылығына байланысты алкогольді көбірек қабылдау қажеттілігі артып келеді;
- алкогольді тұтынуды тоқтатқан кезде «сыну» сезімі пайда болуы, оның ішінде бас ауыруы, қысымның жоғарылауы, қалтырау, мазасыздық, ұйқының бұзылуы және т.б.
Ең алдымен, алкогольден бас тарту немесе тұтыну толығымен адамның өзіне байланысты екенін атап өткен жөн. Одан кейін алкогольдің зияны туралы ақпараттық-түсіндіру жұмыстары маңызды. Ал ішімдікті тастаған адамдар ешқашан алкогольге оралмас үшін оған моральдық және психологиялық тұрғыдан қолдау көрсету керек.
Жітіқара ауданы әкімінің халықпен кездесулерін өткізу кестесіне сәйкес 2026 жылғы 2 жартыжылдықта 2026 жылғы 21 қазанда сағат 15-те "Степное" ЖШС отырыс залында Жітіқара ауданы әкімі А. А. Жаныспаевтың халықпен есептік кездесуі өтеді (2026 жылғы 2 жартыжылдық)
Бүгін степный ауылдық округі әкімі аппаратының ғимаратында тұрғындардың Бірыңғай жинақтаушы зейнетақы қорының (БЖЗҚ) мобильді кеңсесінің өкілімен кездесуі өтті.
Іс-шара аясында БЖЗҚ маманы тұрғындарға зейнетақымен қамсыздандыру және зейнетақы жүйесінің жұмыс істеуі мәселелері бойынша консультациялық қызметтер көрсетті. Азаматтар өздерінің зейнетақы жинақтарының жай-күйі, зейнетақы төлемдерін алу тәртібі, сондай-ақ зейнетақы жинақтарына байланысты басқа да өзекті мәселелер бойынша түсініктеме ала алды.
Мұндай консультацияларды тікелей жергілікті жерлерде өткізу ауылдық жерлердегі тұрғындарға аудан орталығына бармай-ақ қажетті ақпарат пен білікті көмек алуға мүмкіндік береді.
2026 жылғы 07 қазанда сағат 11:00-ден 16:00-ге дейін Степной ауылдық округі әкімінің аппаратында БЖЗҚ мобильді кеңсесінің қызметкері жұмыс істейтін болады. Ауыл тұрғындарын зейнетақы қызметтері мен консультациялар алуға шақырамыз. Өзіңізбен бірге жеке куәлігіңіз бен ұялы телефоныңыз болуы керек. Жұмыс істейтін халыққа арналған қызметтер.
Көшпелі қызмет көрсету бойынша көрсетілетін қызметтердің тізбесі:
- деректемелерді өзгертуге өтініштерді ресімдеу;
- ЖЗШ-дан үзінді көшірмелер беру;
- төлемге құжаттарды қабылдау;
- жеке зейнетақы калькуляторын пайдалана отырып кеңес беру;
- жинақтаушы зейнетақы жүйесі бойынша консультациялар беру;
- презентациялар өткізу.
Барлық қызметтер оnеline режимінде ұсынылатын болады.