Инватакси қызметтерін алушылар санатын кеңейту туралы

                                                                                   

                                                                                   

Жітіқара ауданы                                                                                 әкімінің қаулысының                                                            2024 жылғы «____»№_________ жобасы

 

 

Инватакси қызметтерін алушылар санатын кеңейту туралы

 

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына және «Қазақстан Республикасы Көлік және коммуникация министрінің міндетін атқарушының 2013 жылғы 1 қарашадағы № 859 «Автомобиль көлігімен мүгедектерді тасымалдау жөніндегі қызметтер көрсету қағидаларын бекіту туралы» бұйрығымен бекітілген Автомобиль көлігімен мүгедек адамдарды тасымалдау жөніндегі қызметтер көрсету қағидаларының 31-тармағына сәйкес (Нормативтік құқықтық актілерді мемлекеттік тіркеу тізілімінде № 8950 болып тіркелген), Жітіқара ауданының әкімдігі ҚАУЛЫ ЕТЕДІ:

  1. Жітіқара ауданының аумағында инватакси қызметтерін алушылардың санаттарын келесі санаттағы адамдармен кеңейту:

1) бірінші топтағы мүгедектігі бар адамдарға;

2) қозғалыс аппаратының тірек функциялары бұзылған және қозғалыс қиындықтары бар мүгедектігі бар адамдар;

3) психоневрологиялық аурулары бар он сегіз жастан асқан мүгедектігі бар адамдар бала кезінен мүгедектігі бар балалар;

4) аутизм спектрі бұзылған мүгедектігі бар балалар.

  1. «Жітіқара ауданы әкімдігінің жұмыспен қамту және әлеуметтік бағдарламалар бөлімі» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының аумақтық әділет органында мемлекеттік тіркелуін;

2) осы қаулыны ресми жарияланғаннан кейін оны Жітіқара ауданы әкімдігінің интернет-ресурсында орналастырылуын қамтамасыз етеді.

  1. Осы қаулының орындалуын бақылау жетекшілік ететін Жітіқара ауданы әкімінің орынбасарына жүктелсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

                Жітіқара ауданының

                        әкімі                                                               Н. Жаныспаев

 

Дата публикации
14 октября 2024