Өздеріңіз білетіндей, ветеринарлық мамандық ауылдық жерлерде жұмыс істеуді көздейді, сондықтан жас түлектерді шалғайдағы елді мекендерде практикалық тәжірибе жинақтауға ұмтылуға шақырамыз! Сіздің біліміңіз мемлекет пен қоғамға туған жерінде ветеринариялық-санитариялық салауаттылықты сақтау үшін қажет!
Бейінді орталық орган тарапынан жүргізілген шаралардың арқасында өткен жылдан бастап ветеринариялық мамандардың еңбегіне ақы төлеу едәуір ұлғайтылды, жыл сайынғы сауықтыру жәрдемақысын төлеу көзделген.
Сонымен қатар, «Дипломмен ауылға» мемлекеттік бағдарламасының арқасында Сіз өз тұрғын үйіңізді сатып алуға жеңілдікті кредитті және өтеусіз біржолғы жәрдемақыны пайдалана аласыз! Облыстың әрбір ауданында немесе қаласында тұрақты жұмыс орындарына өтінімдер қалдыруға болатын Жұмыспен қамту орталықтары жұмыс істейді. Сондай-ақ, аудандар мен қалалар бойынша бос жұмыс орындары туралы ақпарат алу үшін Ветеринария басқармасына жүгіне аласыз!