Жануарлардан алынатын өнім мен шикізаттың сапасы мен қауіпсіздігін қамтамасыз ету мақсатында ауыл шаруашылығы жануарларын союды кейіннен өткізу үшін ветеринариялық-санитариялық талаптарға сәйкес келетін сою объектілерінде ғана жүзеге асыру қажет (ет өңдеу кәсіпорындары, сою пункттері).
Ауыл шаруашылығы жануарларына ветеринариялық ілеспе құжаттар (ветеринариялық анықтама, ветеринариялық сертификат) болған кезде, сондай-ақ жеке сәйкестендіру нөмірлері бар құлақ белгілері бар, АШЖБ базасында тіркелген және жүргізілген ветеринариялық өңдеулер туралы мәліметтер болған кезде союға рұқсат етіледі.
Сою объектісінде ветеринариялық дәрігер жануарларды сою алдында тексеру, ұшалар мен органдарды союдан кейінгі ветеринариялық-санитариялық сараптауды, ұшаларды таңбалауды және сараптама актісін беруді жүзеге асырады.
Азық-түлік қауіпсіздігі мен мал шаруашылығы өнімдерінің сапасын растау шеңберінде оны сауда желісіне өткізу ветеринариялық-санитариялық сараптама нәтижелері бар ветеринариялық анықтама болған кезде жүргізіледі.