Ветеринариялық паспортты аудандар мен қалалардың ветеринариялық станциялары береді.
Мемлекеттік қызметті алу үшін ауыл шаруашылығы жануарының иесі ветеринариялық ұйымға өтініш береді.
Мемлекеттік қызмет 2 жұмыс күні ішінде тегін негізде көрсетіледі.
Ветеринариялық паспорт және ондағы мәліметтер "ауыл шаруашылығы жануарларын бірдейлендіру" деректер базасында электрондық түрде қалыптастырылады.
Ауыл шаруашылығы жануарларына ветеринариялық паспорт жеке немесе ұсақ мал мен шошқалар тобына (отарға) беріледі.
Ауыл шаруашылығы жануарлары есептен шыққан кезде ветеринариялық паспорт жаңа иесіне беріледі.