Біздің облысымыздың ауыл шаруашылығында егіншіліктің жаңа түрі пайда болды – гастроподтарға жататын құрлық ұлуларын ұстау және өсіру. Егер кейбіреулер оларды экзотикалық үй жануарлары ретінде ұстаса, басқалары тамақ мақсаттары үшін құрлық ұлуларын өсірумен және сатумен айналысады.
Ұлу ежелден бері тамақ дайындауда қолданылғанымен, бұл жергілікті тұрғындар үшін экзотикалық тағам. Осыған байланысты осындай ерекше өнімді қалай іске асыруға болатындығы туралы сұрақтар туындайды.
Ветеринариялық заңнамаға сәйкес қабықтағы немесе қабықсыз моллюскалар бірыңғай тізімге енгізілген ветеринариялық бақылауға жататын тауарлар.
Ұлулар азық-түлік мақсаттары үшін ұсталған жағдайда, олар жануарлардан алынатын өнімдерге жатады және ел аумағы бойынша одан әрі сату мақсатында ветеринариялық анықтаманың болуы қажет.
Ветеринариялық анықтаманы аудандар мен қалалардың ветеринариялық станцияларының мамандары ветеринариялық-санитариялық сараптама негізінде береді. Біздің облыста моллюскаларға ветеринариялық-санитариялық сараптама «Республикалық ветеринариялық зертхана» Қостанай облыстық филиалында жүргізіледі. Ол үшін аудандар мен қалалардың Ветеринариялық инспекцияларының мамандары жүргізетін өнім сынамаларын алуды жүзеге асыру қажет.