Жаңадан әкелінетін не әкетілетін ауыл шаруашылығы жануарларын карантиндеуді диагностикалық зерттеулер мен ветеринариялық өңдеулер жүргізу мақсатында жүргізеді, олар Қазақстан Республикасының аумағы бойынша және одан тыс жерлерге көшкен кезде жануарлардың жұқпалы ауруларының пайда болуына және таралуына жол бермеуге бағытталған. Карантинге жатқызылатын жануарлар қалған мал басынан бөлек ұсталады.
Ауыл шаруашылығы жануарларын жоспарланған әкелу немесе әкету алдында карантинге қою үшін иелеріне ҚР АШМ Ветеринариялық бақылау және қадағалау комитетінің тиісті аумақтық бөлімшесіне және ветеринария саласындағы қызметті жүзеге асыратын жергілікті атқарушы органдардың бөлімшесіне хабарлау қажет.
2023 жылдың басынан Қостанай облысы бойынша ветеринариялық станциялармен ветеринариялық пункттермен ауыл шаруашылығы жануарларын карантиндеу бойынша 134 іс – шара өткізілді, оның ішінде: ІҚМ – 7563 бас, ұсақ мал – 616 бас,жылқы – 28 бас, шошқа – 279 бас, тәуліктік тауық-296 мың бас. Карантинді өткізу барысында 47 бас ауру жануарлар бөлінді, оларға қатысты ветеринариялық-санитариялық қағидаларға сәйкес барлық қажетті ветеринариялық іс-шаралар жүргізілді.