Базардан немесе ет дүкендерінен мал шаруашылығы өнімдерін сатып алу кезінде, сатып алушы сатушыдан барлық қажетті ветеринариялық ілеспе құжаттарды (ветеринариялық анықтама, ветеринариялық-санитариялық сараптама) талап етуге құқылы.
Ветеринариялық ілеспе құжаттардың болуы өнімнің шығарылған күні мен сатылу мерзімін, сондай-ақ өнімнің шығу тегін анықтауға мүмкіндік береді. Шығу тегі белгісіз мал өнімдері улануға, сібір жарасы сияқты жануарлар мен адамдарға ортақ аса қауіпті жұқпалы аурулардың пайда болуына және таралуына әкелуі мүмкін.
Негізгі ереже: етті арнайы базарлардан сатып алу керек. Ешбір жағдайда оны жасырын сауда орындарынан, автомобильдердің жүксалғыштарынан сатып алудың қажеті жоқ!