«Қостанай облысы әкімдігінің ветеринария басқармасы» ММ 2025 жылғы мемлекеттік көрсетілетін қызметтерді көрсету жөніндегі жұмысы туралы есебі

  1. Жалпы ережелер
  2. Қостанай облысы әкімдігінің «Ветеринария басқармасы» мемлекеттік мекемесі (бұдан әрі — Басқарма) Қазақстан Республикасының заңнамасында көзделген құзыреті шегінде ветеринария саласында басшылықты жүзеге асыратын жергілікті атқарушы орган болып табылады.
    Басқарманың ведомстволық бағынысты ұйымдары — аудандар мен қалалардың 20 «Ветеринариялық станция» КМК, олардың құрамына ауылдар мен ауылдық округтерде орналасқан 195 ветеринариялық пункт кіреді.
  3. Мемлекеттік қызметтер туралы ақпарат:

Мемлекеттік қызметтер көрсету тәртібін айқындайтын ведомстволық бағынысты нормативтік құқықтық актілер әзірленген мемлекеттік қызмет түрлерінің жалпы саны — 4:

  • Басқарма келесі мемлекеттік қызметті көрсетеді:
    «Ветеринария саласындағы қызметпен айналысуға лицензия беру»;
  • Ведомстволық бағынысты ұйымдар 3 мемлекеттік қызмет көрсетеді:
    • «Ветеринариялық анықтама беру»;
    • «Ветеринариялық паспорт беру»;
    • «Ауыл шаруашылығы жануарлары туралы мәліметтерді өзектендіру (түзету)».

Аталған мемлекеттік қызметтер Қостанай облысы әкімдігінің Ветеринария басқармасы мен оның ведомстволық бағынысты ұйымдары тарапынан Қазақстан Республикасының 2013 жылғы 15 сәуірдегі № 88-V «Мемлекеттік көрсетілетін қызметтер туралы» Заңына, Қазақстан Республикасы Цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы № 39/НҚ бұйрығымен бекітілген Мемлекеттік қызметтер тізіліміне, сондай-ақ төмендегі нормативтік құқықтық актілерге сәйкес көрсетіледі:

  • Қазақстан Республикасы Ауыл шаруашылығы министрінің 2020 жылғы 2 қазандағы № 302 бұйрығымен бекітілген ветеринария саласындағы қызметпен айналысуға лицензия беру қағидалары;
  • Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығымен бекітілген ветеринариялық құжаттарды беру қағидалары және олардың бланкілеріне қойылатын талаптар;
  • Қазақстан Республикасы Ауыл шаруашылығы министрінің 2015 жылғы 30 қаңтардағы № 7-1/68 бұйрығымен бекітілген ауыл шаруашылығы жануарларын бірдейлендіру қағидалары;
  • Қазақстан Республикасы Ауыл шаруашылығы министрінің 2010 жылғы 2 маусымдағы № 367 бұйрығымен бекітілген ауыл шаруашылығы жануарларын бірдейлендіру жөніндегі деректер базасын қалыптастыру және жүргізу және одан үзінді беру қағидалары.

«Ветеринария саласындағы қызметпен айналысуға лицензия беру» мемлекеттік қызметі «Электрондық үкімет» порталы және «Е-лицензиялау» порталы арқылы баламалы негізде көрсетіледі.

Ветеринариялық анықтама беру мемлекеттік қызметі Қазақстан Республикасы Ауыл шаруашылығы министрлігінің Бірыңғай автоматтандырылған басқару жүйесінің (бұдан әрі — ЕАСУ АЖ) веб-порталын пайдалана отырып, қағаз нысанда көрсетіледі.

Ветеринариялық паспорт беру «Ауыл шаруашылығы жануарларын бірдейлендіру» ақпараттық жүйесін (бұдан әрі — АЖ АШЖБ) пайдалана отырып, қағаз нысанда жүзеге асырылады.

«Ауыл шаруашылығы жануарлары туралы мәліметтерді өзектендіру (түзету)» мемлекеттік қызметі қағаз нысанда АЖ АШЖБ арқылы, сондай-ақ «Tort Tulik» мобильдік қосымшасы арқылы баламалы негізде көрсетіледі.

  • «Азаматтарға арналған үкімет» мемлекеттік корпорациясы арқылы көрсетілетін мемлекеттік қызметтер саны — 0;
  • Тегін негізде көрсетілетін мемлекеттік қызметтер саны — 3;
  • Ақылы негізде көрсетілетін мемлекеттік қызметтер саны — 1;
  • Электрондық нысанда көрсетілетін мемлекеттік қызметтер саны — 1;
  • Мемлекеттік қызметтер көрсету тәртібін айқындайтын ведомстволық бағынысты нормативтік құқықтық актілер саны — 4.
  1. Ең сұранысқа ие мемлекеттік қызметтер туралы ақпарат:
    2025 жылы көрсетілген мемлекеттік қызметтердің санына сәйкес ең сұранысқа ие қызмет — «Ветеринариялық анықтама беру», 39 332 қызметтің 38 982-сі (99,11 %).

Сонымен қатар:

  • ветеринариялық паспорт беру бойынша — 286 қызмет;
  • ауыл шаруашылығы жануарлары туралы мәліметтерді өзектендіру (түзету) бойынша — 63 қызмет;
  • ветеринария саласындағы қызметпен айналысуға лицензия беру бойынша — 1 қызмет көрсетілді.

 

  1. Қызмет алушылармен жұмыс
  2. Мемлекеттік қызметтер көрсету тәртібі туралы ақпарат көздері мен қолжетімділік орындары туралы мәліметтер:

Мемлекеттік қызметтер көрсету тәртібі туралы халықты ақпараттандыру жөніндегі түсіндіру жұмыстарын жандандыру мақсатында Ветеринария басқармасы ведомстволық интернет-ресурстағы ақпаратты жаңартты, сондай-ақ өткен жылдардағы мемлекеттік қызметтер көрсету мәселелері бойынша есептерді дайындап, орналастырды.

Халықты мемлекеттік қызметтер көрсету тәртібі туралы ақпараттандыру жөніндегі түсіндіру жұмыстарын жандандыру мақсатында Ветеринария басқармасының ведомстволық интернет-ресурсындағы ақпарат жаңартылды, мемлекеттік қызметтер көрсету мәселелері бойынша есептер дайындалып, орналастырылды.

«www.egov.kz» веб-порталында мемлекеттік қызметтерді әзірлеуші орган, ведомстволық бағынысты нормативтік құқықтық актілер, ветеринария саласындағы мемлекеттік қызметтерді көрсету тәртібі, қызмет алушылар, қызмет көрсету орындары, құны, көрсету мерзімдері, қызметтердің толық атауы, онлайн форматта алу тәсілдері, қызмет көрсету нәтижелері, сондай-ақ қажетті құжаттардың тізбесі туралы ақпарат орналастырылған.

  1. Ведомстволық бағынысты нормативтік құқықтық актілер жобаларын жария талқылау туралы ақпарат:

Қазақстан Республикасының «Мемлекеттік көрсетілетін қызметтер туралы» Заңының 10-бабына сәйкес мемлекеттік қызметтер көрсету тәртібін айқындайтын ведомстволық бағынысты нормативтік құқықтық актілерді әзірлеу және бекіту орталық мемлекеттік органдардың құзыретіне жатады.

  1. Мемлекеттік қызметтер көрсету процесінің ашықтығын қамтамасыз етуге бағытталған іс-шаралар:

2025 жылы мемлекеттік қызметтер көрсету сапасын арттыру және қызмет алушылардың хабардарлығын қамтамасыз ету мақсатында Ветеринария басқармасы ведомстволық бағынысты ұйымдармен бірлесіп 1 374 адамды қамтыған 102 іс-шара өткізді, оның ішінде:

  • 34 кеңес;
  • аудандар мен қалалардың «Ветеринариялық станция» КМК ветеринариялық мамандарымен 7 профилактикалық әңгіме;
  • ресми интернет-ресурстар мен әлеуметтік желілерде 60 жарияланым;
  • Instagram платформасында 1 тікелей эфир.

Тікелей эфир Қостанай облысы бойынша Мемлекеттік қызмет істері агенттігінің департаментімен ұйымдастырылып, оның барысында ветеринария саласындағы мемлекеттік қызметтер көрсетуге қатысты өзекті мәселелер талқыланды.

Мемлекеттік қызметтер көрсету сапасы мен қолжетімділігін арттыру мақсатында «Үздік қызмет көрсетуші — 2025» акциясы өткізілді, оның аясында Қостанай облысының қалалары мен аудандарындағы «Ветеринариялық станция» КМК қызметіне кешенді бағалау жүргізілді.

Сондай-ақ мемлекеттік қызметтер көрсету саласындағы қызметтің тиімділігін арттыруға бағытталған ұйымдастырушылық-әдістемелік және ақпараттық іс-шаралар өткізілді.

Басқарма қызметкерлері өңірлерге шығып, Денисов, Меңдіқара, Амангелді, Жангелдин, Қарабалық, Қостанай аудандарының, сондай-ақ Арқалық және Қостанай қалаларының «Ветеринариялық станция» КМК мамандарына әдістемелік және практикалық көмек көрсетті.

 

  1. Мемлекеттік қызметтер көрсету процестерін жетілдіру жөніндегі қызмет
  2. Процестерді оңтайландыру және автоматтандыру нәтижелері:

«Ветеринария саласындағы қызметпен айналысуға лицензия беру» мемлекеттік қызметі толық автоматтандырылған. Қызметті ГБД ЕЛ АЖ-де тіркеу Ветеринария басқармасы тарапынан жүзеге асырылады. Ақпараттық жүйенің жұмысындағы мәселелерді жою бойынша «ҰАТ» АҚ облыстық ақпараттық технологиялар орталығымен өзара іс-қимыл жүргізіледі.

«Ветеринариялық анықтама беру» және «Ветеринариялық паспорт беру» мемлекеттік қызметтерін көрсету үшін www.egov.kz және www.elicense.kz порталдарының ЕАСУ АЖ және АЖ АШЖБ ақпараттық жүйелерімен интеграциясы жоқ. Оларды интеграциялау бойынша ұсыныстар уәкілетті мемлекеттік органдарға тұрақты түрде жолдануда.

  1. Қызметкерлердің біліктілігін арттыру жөніндегі іс-шаралар:

Мемлекеттік қызметтер көрсету тиімділігін арттыру мақсатында ведомстволық бағынысты ұйымдардың 14 маманы

«Мемлекеттік басқаруды дамыту: мемлекеттік қызметтер көрсету сапасын арттыру» тақырыбында семинардан өтті.

Сыбайлас жемқорлық құқық бұзушылықтарға жол бермеу, қоғамда сыбайлас жемқорлыққа төзбеушілік қалыптастыру, халықпен және бұқаралық ақпарат құралдарымен кері байланысты қамтамасыз ету бойынша жұмыс тұрақты негізде жүргізіледі.

2025 жылға арналған сыбайлас жемқорлық тәуекелдеріне ішкі талдау жүргізу жөніндегі іс-шаралар жоспары аясында 21 іс-шара өткізілді, олардың қорытындысы бойынша талдамалық анықтамалар жасалып, ұсынымдарды орындау жөніндегі іс-шаралар жоспары бекітілді.

 

  1. Мемлекеттік қызметтер көрсету сапасын бақылау
  2. Қызмет алушылардың шағымдары:

Есепті кезеңде қызмет көрсетушінің қызметіне қатысты шағымдар, мемлекеттік қызметтер көрсету мерзімдерінің бұзылуы, негізсіз бас тартулар мен ауытқулар тіркелген жоқ.

  1. Ішкі бақылау нәтижелері:

2025 жылға арналған бақылау іс-шаралары жоспарына сәйкес Ветеринария басқармасы 8 ведомстволық бағынысты ұйымға тексеру жүргізді.

185 құқық бұзушылық анықталды, оның ішінде:

  • мемлекеттік қызметтер көрсету мерзімдерін сақтамаудың 9 фактісі;
  • жұмыс кестесін сақтамаудың 174 фактісі;
  • мемлекеттік қызметтер көрсету тәртібін бұзудың 2 фактісі.

Тәртіптік жауапкершілікке 10 қызметкер тартылды, оның ішінде:

  • ескерту — 9;
  • қатаң сөгіс — 1.

Мемлекеттік қызметтер көрсету сапасын мемлекеттік бақылау қағидаларының 56, 57-тармақтарына сәйкес Ветеринария басқармасы 2025 жылға арналған БАБЖ АЖ ақпараттық жүйесі арқылы аудандар мен қалалардың «Ветеринариялық станция» КМК қызметіне ішкі мониторинг жүргізді.

44 құқық бұзушылық анықталды, оның ішінде:

  • мемлекеттік қызметтер көрсету мерзімдерін сақтамаудың 21 фактісі;
  • жұмыс кестесін сақтамаудың 19 фактісі;
  • мемлекеттік қызметтер көрсету тәртібін бұзудың 4 фактісі.

Тәртіптік жауапкершілікке 27 қызметкер тартылды, оның ішінде:

  • ескерту — 22;
  • сөгіс — 4;
  • қатаң сөгіс — 1.
  1. Уәкілетті орган тарапынан бақылау:

2025 жылы мемлекеттік қызметтер көрсету сапасын бағалау және бақылау жөніндегі уәкілетті орган тарапынан бақылау жүргізілген жоқ.

 

  1. Әрі қарай дамыту перспективалары

Мемлекеттік қызметтер көрсету рәсімдерін оңайлату оларды автоматтандыру және мемлекеттік органдардың ақпараттық жүйелерін интеграциялау арқылы жүзеге асырылатын болады. Алдағы уақытта жұмыс әкімшілік кедергілерді қысқартуға және халықтың мемлекеттік қызметтерге кең әрі қолайлы қолжетімділігін қамтамасыз етуге бағытталатын болады.

 

 

Ветеринария басқармасының

басшысы                                                                     Т. Иманбаев

 

 

 

 

Орынд. Е. Руфов

тел. 8(7142) 390-695

 

Дата публикации
14 января 2026