Жануарлар мен құстардың денсаулығын сақтау – мал шаруашылығы мен құс шаруашылығындағы табыстың маңызды құрамдас бөлігі. Шаруашылықтан көп пайда алу үшін Сіз жануарлар мен құстарды таңдап, сатып алып, оларды сапалы тамақпен қамтамасыз ете аласыз. Алайда вирустық және бактериялық инфекциялардың әсері салмақ жоғалтуға, өнімділіктің төмендеуіне, кейінгі емдеу шығындарына немесе тіпті малдың өлім-жітіміне әкелуі мүмкін. Сондықтан ветеринариялық-санитариялық салауаттылықты сақтаудың маңызды факторы дезинфекция болып табылады.
Дезинфекция деп жануарлар мен құстарда аса қауіпті аурулардың өршуіне әкелетін зиянды микроорганизмдерді жоюға бағытталған іс-шаралардың барлық кешені түсініледі. Мал және құс шаруашылығы үй-жайларының барлық аумағы, қолданылатын жабдық, пайдаланылатын құрал-сайман, көлік, жұмыскерлердің киімдері мен аяқ киімдері зарарсыздандырылады.
Шаруашылықтың эпизоотиялық салауаттылығын қамтамасыз етуге бағытталған рәсімдерге инфекция қоздырғыштарын тікелей жою жөніндегі шаралар ғана емес, сонымен қатар вирустар мен патогендік бактериялардың – жәндіктер мен кеміргіштердің ықтимал тасымалдаушыларын жою рәсімдері де жатады.
Осыған байланысты, Қостанай облысының аумағында ауыл шаруашылығы жануарлары мен құстардың аса қауіпті ауруларының таралуына жол бермеу үшін «Қостанай облысы әкімдігінің ветеринария басқармасы» ММ ауыл шаруашылығы жануарлары мен құстардың барлық иелерін меншік нысанына қарамастан тұрақты негізде мал және құс шаруашылығы үй-жайларын профилактикалық дезинфекциялауға шақырады.
Барлық сұрақтар бойынша «Қостанай облысы әкімдігі ветеринария басқармасының аудандары мен қалаларының ветеринариялық станциясы» КМК-не хабарласуға болады.