2026 жылғы 2 тоқсан қорытындысы бойынша мемлекеттік қызметтер көрсету сапасын ішкі бақылау жөніндегі аналитикалық анықтама (Қостанай облысы әкімдігінің ветеринария басқармасы)

2026 жылғы 2 тоқсан қорытындысы бойынша мемлекеттік қызметтер көрсету сапасын ішкі бақылау жөніндегі аналитикалық анықтама (Қостанай облысы әкімдігінің ветеринария басқармасы)

 

«Қостанай облысы әкімдігінің ветеринария басқармасы» мемлекеттік мекемесі (бұдан әрі – Басқарма) Қазақстан Республикасының заңнамасында көзделген құзыреті шегінде ветеринария саласында басшылықты жүзеге асыратын жергілікті атқарушы орган болып табылады.

Басқарманың ведомстволық бағынысты ұйымдары – аудандар мен қалалардың        20 «Ветеринариялық станция» КМК, олардың құрылымына ауылдар мен ауылдық округтерде орналасқан 195 ветеринариялық пункт кіреді.

Мемлекеттік қызметтер туралы ақпарат

Мемлекеттік қызметтерді көрсету тәртібін айқындайтын ведомстволық бағынысты нормативтік құқықтық актілер әзірленген мемлекеттік қызмет түрлерінің жалпы саны – 4.

Басқарма келесі мемлекеттік қызметті көрсетеді:

  • «Ветеринария саласындағы қызметпен айналысуға лицензия беру».

Ведомстволық бағынысты ұйымдар 3 мемлекеттік қызмет көрсетеді:

  • «Ветеринариялық анықтама беру»;
    • «Ветеринариялық паспорт беру»;
    • «Ауыл шаруашылығы жануарлары туралы мәліметтерді өзектендіру (түзету)».

Аталған мемлекеттік қызметтер Басқарма және ведомстволық бағынысты ұйымдар тарапынан төмендегі нормативтік құқықтық актілерге сәйкес көрсетіледі:

  • 2013 жылғы 15 сәуірдегі № 88-V «Мемлекеттік қызметтер туралы» Қазақстан Республикасының Заңы;
  • Қазақстан Республикасы Цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы № 39/НҚ бұйрығымен бекітілген Мемлекеттік қызметтер тізілімі;
  • Қазақстан Республикасы Ауыл шаруашылығы министрінің 2020 жылғы 2 қазандағы № 302 бұйрығымен бекітілген Ветеринария саласындағы қызметпен айналысуға лицензия беру қағидалары;
  • Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығымен бекітілген Ветеринариялық құжаттарды беру қағидалары және олардың бланкілеріне қойылатын талаптар;
  • Қазақстан Республикасы Ауыл шаруашылығы министрінің 2015 жылғы     30 қаңтардағы № 7-1/68 бұйрығымен бекітілген Ауыл шаруашылығы жануарларын бірдейлендіру қағидалары;
  • Қазақстан Республикасы Ауыл шаруашылығы министрінің 2010 жылғы 2 маусымдағы № 367 бұйрығымен бекітілген Ауыл шаруашылығы жануарларын бірдейлендіру жөніндегі деректер базасын қалыптастыру және жүргізу, сондай-ақ одан үзінді көшірме беру қағидалары.

Мемлекеттік қызметтерді көрсету форматы

  1. «Ветеринария саласындағы қызметпен айналысуға лицензия беру» мемлекеттік қызметі толық автоматтандырылған және «Е-лицензиялау» порталы арқылы көрсетіледі.
  2. Ветеринариялық анықтама беру мемлекеттік қызметі Қазақстан Республикасы Ауыл шаруашылығы министрлігінің Бірыңғай автоматтандырылған басқару жүйесінің (БАБЖ) веб-порталы арқылы қағаз түрінде көрсетіледі.
  3. Ветеринариялық паспорт беру «Ауыл шаруашылығы жануарларын бірдейлендіру» (АШЖБ) ақпараттық жүйесі арқылы қағаз түрінде жүзеге асырылады.
  4. «Ауыл шаруашылығы жануарлары туралы мәліметтерді өзектендіру (түзету)» мемлекеттік қызметі АШЖБ АЖ арқылы қағаз түрінде, сондай-ақ баламалы негізде «Tort Tulik» мобильді қосымшасы арқылы көрсетіледі.

Мемлекеттік қызметтер көрсетуді талдау

Ветеринария басқармасы 2026 жылғы 2 тоқсанда «Ветеринария саласындағы қызметпен айналысу үшін лицензия беру» мемлекеттік қызметін көрсеткен жоқ.

2026 жылғы 2 тоқсанда ведомстволық бағынысты ұйымдар – «Ветеринариялық станция» КМК тарапынан барлығы 7 843 мемлекеттік қызмет көрсетілді, оның ішінде:

  • 7 046 – ветеринариялық анықтама беру;
  • 492 – ветеринариялық паспорт беру;
  • 305 – ауыл шаруашылығы жануарлары туралы мәліметтерді өзектендіру (түзету).
  • 4 – ауыл шаруашылығы жануарлары туралы мәліметтерді өзектендіру (түзету) мемлекеттік қызмет көрсетуден дәлелді бас тарту.

Бақылау іс-шаралары

Қазақстан Республикасының мемлекеттік қызметтер көрсету саласындағы заңнамасының сақталуын бақылау жөніндегі 2026 жылға арналған бақылау іс-шаралар жоспарына сәйкес (2025 жылғы 12 желтоқсандағы № 128 бұйрық),                2 тоқсанда «Федоров ауданының ветеринариялық станциясы» КМК және «Денисов ауданының ветеринариялық станциясы» КМК-да 2 бақылау іс-шарасы өткізілді.

Бақылау іс-шараларының нәтижелері бойынша Мемлекеттік қызметтер көрсету саласындағы бұзушылықтардың 37 фактісі, оның ішінде мемлекеттік қызметтер көрсету мерзімдерін бұзудың 15 фактісі және көрсетілетін қызметті берушінің жұмыс кестесін сақтамаудың 22 фактісі анықталды.

Бақылау іс-шараларының қорытындысы бойынша 13 ұсыныс әзірленді, оның 10-ы орындалды.

Ішкі бақылау және мониторинг

Мемлекеттік қызметтер көрсету сапасына мемлекеттік бақылау қағидаларына сәйкес Ветеринария басқармасы БАБЖ ақпараттық жүйесі арқылы аудандар мен қалалардың «Ветеринариялық станция» КМК тарапынан «Ветеринариялық анықтама беру» мемлекеттік қызметін көрсетуге ішкі мониторинг жүргізді.

Ішкі бақылау шеңберінде 2026 жылдың 2 тоқсанында:

  • 1 мемлекеттік қызмет көрсету мерзімдерін сақтамау фактісі;
  • 2 факті көрсетілетін қызметті берушінің жұмыс кестесін сақтамау;
  • мемлекеттік қызмет көрсету тәртібін (бизнес-процестерді) бұзудың 2 фактісі.

Ішкі байқау қорытындысы бойынша ведомстволық бағынысты ұйымдарға 2026 жылғы 3 шілдедегі № 06-11/1029 хат жолданды. 5 ұсыным әзірленді, оның ішінде 2026 жылғы 10 шілдеге дейінгі мерзімде аталған бұзушылықтарға жол берген адамдарға тиісті шаралар қабылдана отырып.

 

Ақпараттық-түсіндіру жұмыстары

Ақпараттық-түсіндіру жұмыстарын жүргізу шеңберінде 2 тоқсанда аудандар мен қалалардың ветеринария және ветеринариялық станциялары басқармасы ресми сайттар мен әлеуметтік желілерде мемлекеттік қызметтер көрсету мәселелері бойынша 30 - жарияланым орналастырды, 2 - ветеринариялық мамандармен түсіндіру әңгімелесулері, жалпы халықты қамтумен 7 - кеңес - 372 адам өткізілді.

Біліктілікті арттыру

2026 жылдың 1 тоқсанында мемлекеттік қызмет көрсету мәселелері бойынша біліктілікті арттыру курстарынан ветеринарлық мамандар өткен жоқ.

 

Дата публикации
14 июля 2026