"Әкімшілік құқық бұзушылық туралы" Қазақстан Республикасы Кодексінің (бұдан әрі-Кодекс) 729-бабын орындау шеңберінде аудандық маңызы бар қалалардың, кенттердің, ауылдардың, ауылдық округтердің әкімдері әкімшілік құқық бұзушылық туралы істерді қарауға және осы Кодекстің 408-бабында көзделген, аудандық маңызы бар қалалардың, кенттердің, ауылдардың аумағында жасалған әкімшілік құқық бұзушылықтар үшін әкімшілік жаза қолдануға құқылы. (өзгерістер көзделген-ҚР 08.07.2024 № 122-VIII Заңымен 09.09.2024 ж.бастап қолданысқа енгізіледі).
408-бап. Ауыл шаруашылығы жануарларын жаю қағидаларын бұзу:
Облыстардың, республикалық маңызы бар қалалардың, астананың жергілікті өкілді органдары белгілеген ауыл шаруашылығы жануарларын жаю қағидаларын бұзу-үш айлық есептік көрсеткіш мөлшерінде айыппұл салуға әкеп соғады.
Жеке тұлғалардың мүлкіне залал келтіруге әкеп соққан дәл осындай әрекет – он айлық есептік көрсеткіш мөлшерінде айыппұл салуға әкеп соғады.
"Қостанай облысы бойынша ауыл шаруашылығы жануарларын жаю қағидалары" (бұдан әрі-қағидалар) Қостанай облысы мәслихатының 2020 жылғы 29 қыркүйектегі № 539 шешімімен бекітілген.
"Ауыл шаруашылығы жануарларын жаю тәртібі" қағидаларының 2-тарауының 4-тармағына сәйкес жол берілмейді:
1)Ауру ауыл шаруашылығы жануарларын (оның ішінде жұқпалы ауруларды жұқтырған) жаю;
2)міндетті ветеринариялық рәсімдерден (оның ішінде вакцинациядан) өтпеген ауыл шаруашылығы жануарларын жаю;
3) ауыл шаруашылығы жануарларын сәйкестендірусіз жаю.