Көшелерді, аулалар мен қоғамдық орындарды ретке келтіріп, қоқыс пен түскен жапырақтарды жинады.
Тәртіп орнату — туған өлкеміздің тазалығына, экологиясына және жайлы өміріне қосылған ортақ үлес.
Қоршаған ортаға қамқорлық әрқайсымыздан басталады! Тазалық жолындағы қозғалысқа қосылыңыздар! 🌿✨
🇰🇿 Қазақстан Республикасы күні және Қазақстан Тәуелсіздігінің 35 жылдығына орай автомобильдер көрмесі өтеді!
Автокөлікті 0,1%-дан басталатын мөлшерлемемен сатып алуға үлгеріңіз.
Ұзынкөл ауылында Halyk Bank және «Тарлан» автосалонымен бірге үлкен тест-драйв өтеді!
📍 20 қазан | Ұзынкөл ауылының орталық алаңы.
Chery, BYD, Jetour, Soueast, JAC, Kia және Chevrolet автокөліктерімен танысып, оларды қозғалыс барысында сынап көріңіз және модельдерді салыстырыңыз.
Halyk Bank мамандары автокөлік несиесін рәсімдеу шарттары туралы айтып, сұрақтарыңызға жауап береді және сатып алудың өзіңізге қолайлы нұсқасын есептеуге көмектеседі.
Сіздерді 2026 жылғы 20 қазанда орталық алаңда күтеміз!
Кездесу барысында ауылдық округ әкімі есепті кезеңде атқарылған жұмыстар туралы есеп беріп, тұрғындарды жүзеге асырылған іс-шаралармен таныстырды және өзекті сұрақтарға жауап берді.
Сонымен қатар қоғамдық қауіпсіздікті қамтамасыз ету және құқық бұзушылықтардың алдын алу бойынша маңызды мәселелер қаралды, атап айтқанда:
🔹 өрт қауіпсіздігі қағидаларын және қоқыс жағу талаптарын сақтау;
🔹 сыбайлас жемқорлық пен сыбайлас жемқорлық құқық бұзушылықтарының алдын алу;
🔹 интернет-алаяқтықтың алдын алу және халықтың қаржылық сауаттылығын арттыру;
🔹 бөтеннің мүлкін ұрлаудың алдын алу;
🔹 кәмелетке толмағандар арасындағы құқық бұзушылықтардың алдын алу, балалар мен жасөспірімдердің қауіпсіздігін қамтамасыз ету.
💚 Тазалық өз үйімізден, өз ауылымыздан басталады!
Бүгін ауыл тұрғындары, жастар мен мектеп оқушылары бір кісідей атсалысып, көшелерді, саябақтарды және мектеп аумағын тазалауға белсене қатысты. Бірлігіміз бен еңбегіміздің арқасында ауылымыз тазарып, ажарлана түсті! 🌿✨
Еліміздің тазалығын бірге сақтайық! 🇰🇿
Өмірлік тәжірибесімен жол сілтеп, ақ батасымен елдің амандығын тілеген ардақты қарияларымызды мерекесімен құттықтаймыз!
Өмірлеріңіз мәнді де сәнді, денсаулықтарыңыз мықты болсын! Шаңырақтарыңызға бақ пен береке тілейміз! 🌸
Бүгін, 24 қыркүйек күні, Обаған ауылында ауылдың тазалығы мен эстетикалық көрінісін жақсартуға бағытталған экологиялық сенбілік пен көркейту-көгалдандыру жұмыстары өтті.
Ауылдың тазалығы мен көркейе түсуі — әрбір тұрғынның ортақ ісі.
Құқықтық сауаттылық – дамыған әрі әділетті қоғамның ажырамас бөлігі. Бұл ұғым құқықтың негізгі нормалары мен қағидаларын білу, түсіну және қолдану, сондай-ақ соларға сәйкес әрекет ете білу дағдыларын қамтиды. Сондықтан Әділет министрлігі халықтың құқықтық сауаттылығын арттыру мақсатында жыл сайын түрлі іс-шаралар өткізеді.
Әділет министрлігінің пікірінше, құқықтық сауаттылық қазіргі заманда әрбір азаматқа қажетті қасиетке айналып отыр. Себебі бүгінгі таңда құқықтық мәселелер күрделі әрі алуан түрлі. Құқықтық сауаттылық азаматтардың құқықтары мен бостандықтарын қорғауға ғана емес, сонымен қатар қоғамның тиімді жұмыс істеуіне де ықпал етеді.
Құқықтық сауаттылықты арттыру үшін заңдар мен құқықтық нормаларды білу қажет. Бұл азаматтардың негізгі құқықтары мен міндеттерін білуді, сондай-ақ сот төрелігінің рәсімдері мен тетіктерін түсінуді қамтиды. Осындай ақпаратқа ие азаматтар өз құқықтары мен мүдделерін тиімді қорғауға, сондай-ақ жанжалдардың алдын алуға және оларды құқықтық тұрғыдан шешуге мүмкіндік алады.
Құқықтық сауаттылық жеке азамат үшін ғана емес, қоғамдық өмірдің әртүрлі салалары үшін де маңызды. Бизнес саласында құқықтық сауаттылық қолайлы әрі болжамды бизнес ортасын қалыптастыруға ықпал етеді. Заңдар мен ережелерді сақтайтын кәсіпорындар сенімді арттырып, экономикалық дамуға ықпал ететін инвестицияларды тартады.
Құқықтық сауаттылықты дамыту үшін тек азаматтар ғана емес, мемлекет пен жалпы қоғам да күш-жігер жұмсауы қажет. Бұл құқықтық ақпаратқа қолжетімділікті қамтамасыз етуді, білім беру бағдарламалары мен іс-шараларды ұйымдастыруды, құқықтық бастамаларды қолдауды қамтиды. Жыл сайын Әділет министрлігі мемлекеттік органдармен бірлесіп, «Әділет кеңес береді», «Ашық есік күндері», «Қоғамдық қабылдау», «Халық адвокаты», «Құқықтық керуен» сияқты акциялар мен өзге де іс-шараларды, соның ішінде заңгерлік кеңес беру түріндегі жұмыстарды ұйымдастырады.
Қазақстан Республикасы Экология және табиғи ресурстар министрлігінің «Таза Қазақстан» жалпыұлттық экологиялық бастамасы аясында 19 қыркүйек күні Обаған ауылында World Cleanup Day (Дүниежүзілік тазалық күні) халықаралық экологиялық акциясы болып өтті. 🌿✨
Сенбілік барысында ауыл тұрғындары, жастар мен балалар, мекеме қызметкерлері біркісідей атсалысып, қоғамдық орындарды, саябақтар мен көшелерді қоқыстан тазартты. Ортақ күш-жігердің арқасында ауылымыздың көркі кіріп, тазалығы артты!
Бүгін, 16 қыркүйек 2026 жылы, Обаған жалпы білім беретін мектебінде ата-аналар мен педагогтарға арналған өте маңызды әрі өзекті семинар өтті.
Семинарды Қостанай облысы Психологтар ассоциациясының эксперті, жоғары санатты педагог-психолог Махмутова Амина Габдрахмановна жүргізді.
💡 Кездесу барысында қозғалған негізгі мәселелер:
• Z және Альфа ұрпақтарының ерекшеліктері: Балалардың ойлау жүйесі, технологияға көзқарасы мен цифрлық әлемдегі мінез-құлқы.
• Дәстүрлі тәрбие мен цифрлық заман: Баланың онлайн өмірі мен отбасылық құндылықтар арасындағы тепе-теңдікті қалай сақтау керек?
• Кибербуллингтің алдын алу: Балаларды интернеттегі агрессиядан, қорлаудан қорғаудың нақты практик-құралдары мен кеңестері.
Семинар қатысушылары өздерін толғандырған сұрақтарға жауап алып, балалардың психологиялық қауіпсіздігін қамтамасыз ету бойынша құнды мәліметтермен бөлісті.
Амина Габдрахмановнаға мазмұнды әрі пайдалы семинар үшін алғысымызды білдіреміз! 🤝✨
Обаған ауылында шөп шабу, көшелер мен қоғамдық аумақтарды тазалау, сондай-ақ елді мекенді тиісті деңгейге келтіру жұмыстары жүргізілуде.
Бірлескен күш-жігерімізбен тұрғындар үшін таза, көрікті әрі жайлы орта қалыптастырамыз