Аймақтағы ХҚКО-ның жұмыс кестесі дүйсенбіден жұмаға дейін сағат 9.00-ден 18.00-ге дейін. «Азаматтарға арналған үкімет» МК» КЕАҚ филиалында хабарлағандай, кестенің өзгеруі Қостанай облысының бас санитарлық дәрігерінің 2021 жылғы 28 шілдедегі №20 қаулысымен байланысты.
Осыған байланысты, сенбі күндері Қостанай облысының ХҚКО жұмыс істемейді. Мұны халыққа қызмет көрсету бөлімдеріне баруды жоспарлаған азаматтар, әсіресе кезекке міндетті түрде алдын ала тапсырыс берген азаматтар ескерген жөн.
«Алдын ала броньдау бойынша бізде Қостанай (1,2,3 бөлімдер мен Мамандандырылған ХҚКО), Рудный мен Тобыл ХҚКО жұмыс істейтінін еске саламын. Кезекке 1414 бірыңғай байланыс орталығы, egov.kz электрондық үкімет порталы және Тelegram бот EgovBotKz2. 0. арқылы тапсырыс беруге болады. Сонымен қатар, тағы бір маңызды ескерту, Мамандандырылған ХҚКО кестесіне қатысты. Естеріңізге сала кетейін, ол екі есе. Құжаттарды қабылдау 9.00 – ден 16.00-ге дейін, дайын құжаттарды беру 9.00-ден 18.00-ге дейін жүргізіледі. Кезекті брондау кезінде осыны ескерген жөн», - деді «Азаматтарға арналған үкімет» МК» КЕАҚ Қостанай облысы бойынша филиалының PR-менеджері Ярослава Богатырева.
Қазіргі таңда Қазақстанның ХҚКО-ры қызмет көрсету уақытын 20 минуттан 15 минутқа дейін қысқартудың арқасында клиенттерді көбірек қабылдай алады. Бұл қадам броньдау үшін қолжетімді слоттардың санын 25% - ға ұлғайтты, бұл бір қызметкерге бір сағат ішінде 4 клиентке қызмет көрсетуге мүмкіндік берді, ал бұрынғыдай 3 емес.
Азаматтарға ХҚКО барған кезде санитарлық-профилактикалық нормаларды сақтаңыздар, бетперде киіп, әлеуметтік қашықтықты сақтаңыздар. Ғимаратқа кіру Ashyq қосымшасы бойынша жүзеге асырылады.