Мемлекет басшысының тапсырмасына сәйкес мемлекеттік қызмет көрсету кезінде төрешілдік пен сөзбұйдалық көріністерін жоя отырып, нәтиже көрсетіп отырған "халық үніне құлақ асатын мемлекет" құру бағыты қолға алынды.
Бірінші.... Жер қатынастары саласында мемлекеттік қызмет көрсету мерзімдері айтарлықтай қысқартылды.
Егер 2020 жылғы қарашаға дейін жер учаскесін ресімдеуге 30 жұмыс күні кетсе, бүгін - 15 жұмыс күні.
Жер учаскелерін қалыптастыру жөніндегі жерге орналастыру жобаларын бекіту 7 жұмыс күнінің орнына 4 жұмыс күні ішінде жүргізіледі.
Жер учаскесінің нысаналы мақсатын өзгертуге шешім күнтізбелік 30 күннің орнына 13 жұмыс күні ішінде шығарылады.
Мемлекеттік актіні 4 жұмыс күні ішінде жасауға болады, ал бұрын бұл рәсім 6 жұмыс күнін алды.
Екінші. Автоматтандыру жер телімдерін үйден шықпай-ақ рәсімдеуге мүмкіндік берді.
Атап айтқанда, облыс тұрғындары сұралып отырған жер учаскесіне құқық беру туралы өтінішті ауылдық округ әкімінің әрбір аппаратына жіберуге мүмкіндігі бар.
Осы мақсатта облыстың ауылдық округтері әкімдерінің барлық 197 аппараты электрондық үкімет порталына қосылған.
Қызмет көрсетудің электрондық форматы қызмет көрсету мерзімдерін қадағалауға мүмкіндік береді, бұл олардың бұзылу тәуекелін болдырмайды.
Мәселен, облыстың қалалары мен аудандары әкімдерінің аппараттарында "Мониторинг" ақпараттық жүйесі орнатылған, ол мемлекеттік қызмет көрсету үдерісі мен сатысын бақылауға мүмкіндік береді, бұл мерзімдерді бұзуды "нөлге дейін жеткізеді", сондай-ақ қабылданатын шешімдердің ашықтығын қамтамасыз етеді.
Мәселен , 2019 жылмен салыстырғанда 2020 жылы мерзімдерді бұзу саны 5 есеге қысқарды (2019 жылы - 134, 2020 жылы-26)
Үшінші. Автоматтандырудың артықшылықтары азаматтарды Ақпараттық жүйелер арқылы алуға болатын құжаттарды жинаудан босатты.
Жеке басты куәландыратын, заңды тұлғаны тіркеу туралы, дара кәсіпкерді тіркеу туралы мәліметтер, құқық белгілейтін және сәйкестендіру құжаттары, ауыртпалықтың болмауы туралы мәліметтер ақпараттық жүйелерден алынады.
Мемлекеттік органдардың осы мүмкіндіктерді белсенді пайдаланатынын ағымдағы жылғы тексеру нәтижелері куәландырады.
Мысалы, ағымдағы жылдың өткен кезеңінде ақпараттық жүйелерден алуға болатын құжаттарды талап ету бойынша бірде - бір бұзушылық анықталған жоқ (2020 жылдың 1 тоқсанында-18).
Аталған жаңалықтар азаматтардың мемлекеттік қызметтерге қанағаттану деңгейіне оң әсер етті.
Департаментке келіп түскен шағымдар саны 1,5 есеге азайды.
Азаматтардың қанағаттану деңгейі өсіп келе жатқанын әлеуметтік зерттеулер де дәлелдейді.
Осылайша, жергілікті атқарушы органдардың тапсырысы бойынша жүргізілген мониторинг 2019 жылмен салыстырғанда халықтың қанағаттану деңгейі 0,11 балға өсіп, мүмкін болған 10 балдан 9,01 балды құрағанын көрсетті.
"Қоғамдық пікір" зерттеу институты жүргізген әлеуметтік сауалнама нәтижелері бойынша ең жоғары баға Қостанай облысы әкімдігінің мемлекеттік қызметшілеріне берілді (9,08 балл).
Осы және басқа да шаралар мемлекеттік қызметтердің сапасы мен қолжетімділігін одан әрі арттыруға ықпал етеді деп ойлаймыз.
Ермек Сармулдинов, Қазақстан Республикасы Мемлекеттік қызмет істері агенттігінің Қостанай облысы бойынша департаментінің бас маманы