Сандықтехнологиялардың күннен күнге қарқынды дамып, ақпарат ағыны көз ілеспес жылдамдықта тараған уақытта алға қойған мақсат міндеттерді орындау және тиімді нәтижеге қол жеткізудің бірден-бір кепілі кәсіби аппаратты қалыптастыру және басқару ресурсын жетілдіру болып табылады. Осы орайда тиімді кәсіби аппарат қалыптастыру мақсатында халықаралық тәжірибелер зерделеніп мемлекеттік қызмет саласында реформалар жүргізілуде.
Мемлекет басшысы Қ.Тоқаевтың «Жаңа жағдайдағы Қазақстан: іс-қимыл кезеңі» аттыҚазақстан халқына Жолдауында мемлекеттік басқарудың жаңа үлгісі бойынша жүргізіліп жатқан жүйелі реформалардың жалғасы ретінде мемлекеттік басқаруға, кадр саясатына, шешім қабылдау жүйесіне және оларды орындау жауапкершілігіне деген көзқарасты өзгертуден бастау қажеттігін атап өтті.
Әлемді шарпыған пандемия адамның адаммен қарым-қатынасын, білім алуын,тіпті күнделікті жүріс тұрысын да өзгерткені белгілі. Дерттің ушығып адамнан адамға жұғуы өршіген тұста көптеген салалар мен қатар мемлекеттік қызметшілерде қашықтықтан жұмыс істеуге мәжбүр болды.
Осы тұста негізгі мақсаты жұмыстың барысы емес, нәтижесі болуы тиіс мемлекеттік қызмет жүйесін ретке келтіру мақсатында, оны қайта құру қажеттігі туындап мемлекеттік қызметшілердің санын қысқартуға болатыны айқындалды.
Мемлекеттік қызметтің жаңа бір белеске аяқ басар тұста бұл салаға заманауи өзгерістер барысында тез әрі тиімді шешім қабылдауға қабілетті кадрларға мұқтаждығы байқалды.
Бұл дегеніміз кәсіби білікті, бастамашылық, жаңашылдық, бәсекеге қабілетті мамандарды мемлекеттік қызметке тарту.
Сабақтастықпен институционалды жадыны сақтай отырып озық ойлы, кәсіби мамандардың мемлекеттік қызметке тарту арқылы халқымыздың әл-ауқатын арттыруды басты міндеті санайтын тиімді мемлекеттік қызмет аппаратын басты мақсат.