Қостанай облысы бойынша мемлекеттік кірістер департаменті шағын және орта бизнестен (бұдан әрі-ШОБ) корпоративтік табыс салығы (бұдан әрі-КТС) бойынша түсімдерді жергілікті бюджетке аударуға қатысты келісіні хабарлайды.
2020 жылдан бастап ШОБ-тен КТС бойынша түсімдер жергілікті бюджетке берілетін болады.
КТС есепке алу үшін жергілікті бюджетте қосымша бюджеттік сыныптама коды (101111) ашылатын болады.
09.04.2019 жылғы №18-3/78-И «Республикалық және облыстық бюджеттер, республикалық маңызы бар қала, астана бюджеттері арасындағы 2020-2022 жылдарға арналған жалпы сипаттағы трансферттердің көлемі туралы» Қазақстан Республикасы Заңының жобасын дайындау бойынша Жұмыс тобы отырысының хаттамасы 1.3 тармағына сәйкес дайындалған тізім бойынша ірі кәсіпкерлік субъектілерінен КТС түсімдері республикалық бюджетке есепке алынатын болады.
Бұл кәсіпорындар қызметкерлердің орташа жылдық саны 250 адамнан жоғары немесе орташа жылдық кірісі 3 млн айлық есептік көрсеткіштен жоғары (2018ж деректер бойынша). Ірі кәсіпкерлік субъектілері тізімі 2020-2022 жылдарда тіркелетін болады.