Қарттарға қолғабыс көрсету – аудан волонтерлерінің басым бағыттарының бірі. Волонтерлік топтардың белсенді жұмысының арқасында түрлі форматтағы іс-шаралармен қатар, қарт адамдарға қолдау көрсету акциялары да жүйелі түрде өткізіліп келеді.
Бұл акциялардың мақсаты – жастардың үлкендерге деген құрметін қалыптастыру, жанашырлық пен түсіністікке тәрбиелеу, сондай-ақ жасөспірімдерді қоғамға пайдалы істерге тарту.
Волонтерлер тұрақты түрде жалғызбасты қарттарға көмектеседі: қураған шөп пен қоқысты жинайды, отын жарып, үйіп қояды, үй шаруасына қатысты қолынан келетін көмекті көрсетеді.
Мұндай игі істер қарттардың тұрмысын жеңілдетіп қана қоймай, жастарды жауапкершілікке, мейірімділікке және белсенді азаматтық ұстанымға тәрбиелейді.