Қостанай облысы бойынша ҚАЖД Ұзынкөл ауданы пробация қызметі бөлімінің және СҚО бойынша ҚАЖД мекемелерінің қызметкерлері бірнеше рет бас бостандығынан айыру орындарынан босатылған сотталғандарды туған үйіне блок – постқа дейін алып жүруді жүзеге асырды. Бұрынғы сотталғандарды тағдырдың озбырлығына қалдырғысы келмейді және ТЖ кезіндегі қиындықтарды ескере отырып, ҚАЖ қызметкерлері түзелу жолына нық қадам басқан сотталғандарға көмектесуге өз ұмтылысымен бірікті. Ілесіп жүру жолдары бойынша оларға бір жолғы жәрдемақы алу, тұрғылықты жері бойынша жұмыссыз ретінде есепке қою тәртібі түсіндірілді, сондай-ақ олардың жаңа қылмыстық құқық бұзушылық жасалмауы туралы әңгімелер жүргізілді.