Орталық 2020 жылғы 20-23 наурызда Еңбек және халықты әлеуметтік қорғау министрлігінің ақпараттық жүйелерін (бұдан әрі – Министрліктiң АЖ) желінің логикалық сегменттері бөлу бойынша жоспарлы техникалық жұмыстарды жүргізуді жоспарлап отыр, атап айтқанда мынадай ақпараттық жүйелер серверлерінде IP–адрестерді ауыстыру (1–қосымша):
«Төлемдерді өңдеуді ұйымдастыру» автоматтандырылған ақпараттық жүйесі – «ТӨҰ» ААЖ;
«Зейнетақылық төлемдері мен жәрдемақыларды электрондық тағайындау жүйесі» автоматтандырылған ақпараттық жүйесі – «ЗТЖЭТ» ААЖ;
«Зейнетақы төлемдері мен жәрдемақы алушылардың орталықтандырылған дерекқоры» автоматтандырылған ақпараттық жүйесі – «ЗТЖАОД» ААЖ;
«Әлеуметтік жеке код» автоматтандырылған ақпараттық жүйесі;
«Оралман» автоматтандырылған ақпараттық жүйесі;
«Мүгедектігі бар тұлғалардың орталықтандырылған деректер қоры» автоматтандырылған ақпараттық жүйесі – «МОДҚ» ААЖ;
«е–Собес» автоматтандырылған ақпараттық жүйесі – «е–Собес» ААЖ;
«Шетелдік жұмыс күші» автоматтандырылған ақпараттық жүйесі;
«Атаулы әлеуметтік көмек» автоматтандырылған ақпараттық жүйесі;
«Еңбек нарығы» автоматтандырылған ақпараттық жүйесі активтерінің тізілімі;
Министрліктiң АЖ қосымшаларын барлық деңгейлерде (аудандық бөлімшеден орталыққа дейін) Сіздің ведомстволарыңыздың қызметкерлері белсенді пайдаланатындығына байланысты Министрліктiң АЖ пайдаланушылармен бірлескен тестілеу өткізу қажет.
Жоғарыда баяндалғанның негізінде, ағымдағы жылдың 23 наурызда (11.00-18.00 с.), жаңа IP – мекенжайлар бойынша ақпараттық жүйелердің қолжетімділігін тексеру бойынша жергілікті жерлерде тестілеу үшін қызметкерлердің міндетті түрде қатысуын қамтамасыз етуді сұраймыз. (АЖ қолжетімділігін тексеру жөніндегі Нұсқаулық 2-қосымшада келтірілген). Сондай – ақ, жергілікті жерлерде еріп жүрушілердің техникалық мамандарына жаңа IP-мекенжайларға қол жеткізу мәселесін пысықтау тапсырылсын.
Қосымша «Ұлттық ақпараттық технологиялар» АҚ-ны Өңірлік филиалдарға қажеттілігіне қарай жүйелерге қолжетімділікті жедел ұйымдастыруды және барлық техникалық қолдау көрсетуді тапсыруды сұраймыз.