Сыбайлас жемқорлыққа қарсы іс-қимыл қазіргі заманғы мемлекеттің ең маңызды міндеттерінің бірі болып қала береді. Қабылданатын шешімдердің ашықтығы, мемлекеттік органдардың айқындығы және әрбір мемлекеттік қызметшінің адалдығы азаматтардың билікке деген сеніміне, мемлекеттік бағдарламалардың тиімді іске асырылуына және қоғамның тұрақты дамуына тікелей әсер етеді. Сыбайлас жемқорлық әлеуметтік-экономикалық дамуға елеулі зиян келтіреді, ресурстардың әділ бөлінуіне кедергі жасайды және көрсетілетін мемлекеттік қызметтердің сапасын төмендетеді. Сондықтан жемқорлық көріністерімен күрес тек уәкілетті органдардың қызметі ғана емес, сонымен бірге мемлекет, қоғам және әрбір азаматтың ортақ жауапкершілігі ретінде қарастырылуы тиіс.
Сыбайлас жемқорлыққа қарсы мәдениетті қалыптастырудың ерекше маңызы бар. Бұл кез келген жемқорлық көріністеріне төзбеушілік танытуды, заңдылық, әділдік және жауапкершілік қағидаттарын сақтауды білдіреді. Бұл құндылықтар ерте жастан бастап қалыптасып, білім беру жүйесінде де, күнделікті өмірде де көрініс табуы тиіс. Мемлекеттік органдарда шешім қабылдау рәсімдерінің ашықтығын қамтамасыз ету, мемлекеттік қызметтерді цифрландыру, қоғамдық бақылау тетіктерін жетілдіру және халықпен кері байланыс орнату маңызды бағыттар болып қала береді. Заманауи технологиялар адам факторының ықпалын азайтып, мемлекет пен азаматтар арасындағы өзара әрекеттесудің неғұрлым ашық әрі тиімді болуына жағдай жасайды.
Сонымен қатар, әрбір лауазымды тұлғаның қызметтік әдеп нормаларын сақтауына жеке жауапкершілігі аса маңызды. Мемлекеттік қызмет жоғары кәсібилікті, адалдықты және қоғам мүддесіне берілгендікті талап етеді. Заңнаманы бұзудың кез келген түрі лауазымына және мәртебесіне қарамастан қатаң құқықтық баға алуы тиіс.
Сонымен бірге сыбайлас жемқорлыққа қарсы саясаттың табысты болуы азаматтық қоғамның белсенді қатысуынсыз мүмкін емес. Ашық диалог, қоғамдық бақылау және ықтимал бұзушылықтар туралы уақтылы ақпарат беру заңдылық пен әділдік қағидаттарын нығайтуға ықпал етеді.
Сыбайлас жемқорлықтан ада қоғам қалыптастыру — ұзақ мерзімді процесс, ол жүйелі және бірлескен жұмысты талап етеді. Мемлекет, қоғам және әрбір азамат күш-жігерін біріктірген жағдайда ғана сенімге, ашықтыққа және заң үстемдігіне негізделген тиімді басқару жүйесін құруға болады.
З. Комаров