Естеріңізге саламыз, Қазақстан Республикасы Экология кодексінің 337-бабына сәйкес Қалдықтарды жинау, сұрыптау және (немесе) тасу, қауіпті емес қалдықтарды қалпына келтіру және (немесе) құрту жөніндегі кәсіпкерлік қызметті жоспарлайтын немесе жүзеге асыратын кәсіпкерлік субъектілері «Рұқсаттар және хабарламалар туралы» Қазақстан Республикасының Заңында белгіленген тәртіппен қоршаған ортаны қорғау саласындағы уәкілетті органға (Қазақстан Республикасы Экология, геология және табиғи ресурстар министрлігі) қызметті бастау немесе тоқтату туралы хабарлама беруге міндетті.
Қалдықтарды жинау, сұрыптау және (немесе) тасымалдау, қауіпті емес қалдықтарды хабарламай қалпына келтіру және (немесе) жою жөніндегі кәсіпкерлік қызметті жүзеге асыруға тыйым салынатынын атап өтеміз.
2024 жылғы 31 қантардағы жағдай бойынша Қостанай облысының 86 кәсіпкерлік субъектісі қалдықтармен жұмыс істеу саласындағы қызметтің басталуы немесе тоқтатылуы туралы хабарламаны қабылдау туралы талон алды.