Басқарма басшысының
2021 жылғы 2 желтоқсандағы
№ 119 н/қ бұйрығымен бекітілген
«Қостанай облысы әкімдігінің табиғи ресурстар және табиғат пайдалануды реттеу басқармасы» мемлекеттік мекемесінің
балық және аңшылық шаруашылығы бөлімі туралы
ЕРЕЖЕ
- Жалпы ережелер
- Балық және аңшылық шаруашылығы бөлімі (бұдан әрі - Бөлім) «Қостанай облысы әкімдігінің Табиғи ресурстар және табиғат пайдалануды реттеу басқармасы» мемлекеттік мекемесінің (бұдан әрі-Басқарма) құрылымдық бөлімшесі болып табылады.
- Бөлім өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
- Бөлімнің құрылымын, штат санын мемлекеттік органның уәкілетті лауазымды адамы штат санының лимиті шегінде Қазақстан Республикасының заңнамасында белгіленген тәртіппен бекітеді.
- Бөлімнің негізгі міндеттері, функциялары, құқықтары мен міндеттері
- Міндеттері:
- балық және аңшылық ресурстарды ұтымды пайдалануды реттеу және қамтамасыз ету;
- балық және аңшылық шаруашылығы мәселелері бойынша мемлекеттік саясатты іске асыруға қатысу.
- жануарлар әлемінің биологиялық әртүрлілігін сақтау.
- балық және аңшылық ресурстарының өнімділігін арттыру.
5.Құқықтары мен міндеттері:
- Бөлім құқылы:
- Жергілікті атқарушы органдар мен өзге де ұйымдардан қажетті ақпаратты сұратуға және алуға;
- өз құзыретіне кіретін мәселелер бойынша шешімдер қабылдауға;
- бөлім алдына қойылған міндеттерді шешу жөнінде ұсыныстар әзірлеуге және басшылықтың қарауына енгізуге;
- бөлім жұмысын жетілдіру бойынша Басқарма басшылығына ұсыныстар енгізуге;
- өзге мемлекеттік органдармен, сондай-ақ басқа да кәсіпорындармен, ұйымдармен, мекемелермен өзара қарым-қатынастарда Бөлімнің құзыретіне жататын мәселелер бойынша басқарма атынан белгіленген тәртіппен өкілдік етуге;
- бөлімнің құзыретіне жатқызылған мәселелер бөлігінде басқа бөлімшелер дайындайтын құжаттардың (шешімдердің) жобаларын келісуге қатысуға міндетті.
- бөлімнің құзыретінен туындайтын өзге де құқықтарды жүзеге асыруға құқылы.
- Бөлімнің міндеттері:
- Бөлімге жүктелген функцияларды Қазақстан Республикасы заңнамасының талаптарына, басқарманың Ережесіне және ішкі құжаттарына сәйкес жүзеге асыруға;
- бөлім құзыретіне жататын мәселелер бойынша басқарма басшысының шешімдерін ішкі құжаттарда белгіленген тәртіппен және мерзімдерде орындауға;
- Осы Ережемен және Басқарманың басқа да ішкі құжаттарымен Бөлімнің құзыретіне жатқызылған мәселелер бойынша құжаттарды уақтылы дайындауды жүзеге асыруға;
- бөлімнің құзыретіне жатқызылған мәселелер бойынша құрылымдық бөлімшелердің сұрау салулары бойынша ақпаратты, құжаттарды, қорытындыларды уақтылы ұсынуға;
- мемлекеттік құпияларды және заңмен қорғалатын өзге де құпияны сақтауға.
- Бөлімнің міндеттерін тиісінше орындамағаны үшін бөлім басшысы жауапты болады.
- Басқа қызметкерлердің жауапкершілік дәрежесі лауазымдық міндеттермен белгіленеді.
- Бөлім басшысы, сондай-ақ бөлім қызметкерлері жауапты:
- Басқарманың басшысына және құрылымдық бөлімшелеріне бөлім құзыреті шеңберінде бөлім мен басқарманың жұмысы туралы дәйексіз ақпарат беру,
- лауазымдық міндеттерін жосықсыз орындау,
- өндірістік және еңбек тәртібін бұзу;
- ережені, жергілікті басқару нормативтік актілерін және лауазымдық нұсқаулықтарды сақтамау;
- бөлімге сеніп тапсырылған мүліктің сақталуын қамтамасыз етпеу.
- Функциялар:
- «Жануарлар дүниесін пайдалануға рұқсат беру» мемлекеттік қызмет көрсету (балық аулау, аң аулау);
- «Инвестициялық салымдар кезінде балық шаруашылығы субъектісі шеккен шығыстардың бір бөлігін өтеуді субсидиялау» мемлекеттік қызмет көрсету;
- «Аквамәдениет (балық шаруашылығы) өнімінің өнімділігі мен сапасын арттыруды субсидиялау, сондай-ақ асыл тұқымды балық шаруашылығын дамыту» мемлекеттік қызметін көрсету
- «Қостанай облысы бойынша Мемлекеттік кірістер департаменті» РММ-ге көрсетілген «жануарлар дүниесін пайдалануға рұқсат беру» мемлекеттік қызметтерінің саны және облыс бюджетіне төлемдер түсімі бойынша тоқсан сайынғы есепті ұсыну;
- «Жануарлар дүниесін пайдалануға рұқсат беру» мемлекеттік көрсетілетін қызметтер саны бойынша «Қостанай облыстық орман шаруашылығы және жануарлар дүниесі аумақтық инспекциясы» РММ-не ай сайынғы есепті ұсыну;
- Қостанай облысының аумағында орналасқан аңшылық шаруашылығының мұқтажы үшін жануарлар дүниесін пайдаланушыларға аңшылық алқаптарды бекіту жөніндегі конкурстарды ұйымдастыру және өткізу;
- аңшылық алқаптар мен балық шаруашылығы су айдындарын және (немесе) учаскелерін бекіту туралы облыс әкімдігі қаулыларының жобаларын әзірлеу;
- ғылыми ұсынымдар негізінде балық шаруашылығы су айдындарын және (немесе) учаскелерін паспорттауды жүргізу;
- балық және аңшылық шаруашылығы саласындағы даулы мәселелер бойынша сот отырыстарына қатысу;
- аңшылық алқаптардың резервтік қорында жануарлар дүниесін қорғауды, сондай-ақ балық шаруашылығы су айдындарын және (немесе) учаскелерін резервтік қорда қорғауды ұйымдастыру және қамтамасыз ету;
- балық шаруашылығы учаскелерінің шекараларын белгілеу, Тониді (тонидік учаскелерді) ашу және жабу.
- бөлімнің құзыретіне кіретін мәселелер бойынша талап-арыз жұмысына қатысу;
- Бөлімнің қызметіне байланысты құжаттарды сақтау және оларды мұрағатқа уақтылы беру, сондай-ақ электрондық мұрағатты уақтылы толтыру;
- Бөлімнің құзыретіне жататын мәселелер бойынша жеке және заңды тұлғалардың орындауға берілген өтініштерін, сұрау салуларын, ұсыныстарын, пікірлерін, хабарламаларын заңнамада белгіленген тәртіппен қарау;
- Бөлімнің құзыретіне жататын мәселелер бойынша мемлекеттік органдар, олардың құрылымдық және аумақтық бөлімшелері мен лауазымды адамдары арасында ақпараттық алмасу шеңберінде келіп түскен қызметтік құжаттар мен құжаттарды заңнамада белгіленген тәртіппен қарау;
- бөлімге ҚР заңнамасымен, сондай-ақ ҚР Президентінің, Агенттіктің және Басқарманың актілерімен жүктелген өзге де функцияларды жүзеге асыру.
- Бөлімнің қызметін ұйымдастыру
- Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өз міндеттерін іске асыру үшін қажетті құқықтар мен міндеттерге ие.
- Бөлімді Қазақстан Республикасының заңнамасында белгіленген тәртіппен қызметке тағайындалатын және қызметтен босатылатын басшы басқарады.
- Бөлім басшысы бөлімнің қызметіне жалпы басшылықты жүзеге асырады және мемлекеттік органның құрылымдық бөлімшесіне жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
- Бөлім басшысы мемлекеттік органның басшылығына Бөлімнің құрылымы мен штат саны бойынша ұсыныстар береді.
- Бөлім құзыретіне кіретін мәселелер бойынша Бөлім атынан басқа құрылымдық бөлімшелерге жіберілетін құжаттарға Бөлім басшысы, ал болмаған жағдайда оны алмастыратын тұлға қол қояды.