Басқарма басшысының 

                                                                                 2021 жылғы  2 желтоқсандағы 

                                                                                 № 119 н/қ бұйрығымен бекітілген 

 

 

«Қостанай облысы әкімдігінің табиғи ресурстар

және табиғат пайдалануды реттеу басқармасы» мемлекеттік

мекемесінің табиғатты қорғау бағдарламалары бөлімі туралы

ЕРЕЖЕ

1.Жалпы ережелер                                   

1. Табиғатты қорғау бағдарламалары бөлімі (бұдан әрі - Бөлім) «Қостанай облысы әкімдігінің табиғи ресурстар және табиғат пайдалануды реттеу басқармасы» мемлекеттік мекемесінің (бұдан әрі - Басқарма) құрылымдық бөлімшесі болып табылады.
2. Бөлім өз қызметінде Қазақстан Республикасының Конституциясын, заңдарды, Қазақстан Республикасы Президенті мен Үкіметінің актілерін, өзге де нормативтік құқықтық актілерді, Басқарма туралы ережені, сондай-ақ осы Ережені басшылыққа алады.
3. Бөлімнің құрылымын, штат санын мемлекеттік органның уәкілетті лауазымды адамы штат санының лимиті шегінде Қазақстан Республикасының заңнамасында белгіленген тәртіппен бекітеді.

 

2. Табиғатты қорғау бағдарламалары бөлімінің міндеттері, құқықтары мен міндеттері
3. Міндеттері:

Қоршаған ортаны қорғау және коммуналдық қалдықтарды басқару жөніндегі іс-шараларды жоспарлау бөлігінде жергілікті деңгейде мемлекеттік экологиялық саясатты іске асыру;

5. Құқықтары мен міндеттері:

  5.1 Бөлім құқықтары:

 1) Бөлімнің құзыретіне кіретін мәселелер бойынша мемлекеттік органдар мен өзге де ұйымдардан заңнамада белгіленген тәртіппен қажетті ақпарат пен материалдарды сұратуға және алуға;

 2) Бөлімнің құзыреті шегінде соттарда Басқарманың құқықтары мен мүдделерін қорғауды заңнамада белгіленген тәртіппен жүзеге асыруға;

 3) бөлімнің жұмысына қатысты мәселелер бойынша Басқарма басшылығына ұсыныстар енгізуге, Басқарманың құзыретіне жататын мәселелер бойынша жоғары тұрған органдарға және облыс әкіміне ұсыныстар дайындауға қатысуға;

4) Басқарманың құзыретіне кіретін мәселелер бойынша кеңестерге қатысуға;

5) Қазақстан Республикасының заңнамасына сәйкес өзге де құқықтарды жүзеге асыруға құқылы.

5.2 Бөлімнің міндеттері:

- Қазақстан Республикасының экологиялық және өзге де заңнамасының талаптарын сақтауға

- Қазақстан Республикасының заңнамасында көзделген өзге де міндеттер.

6. Функциялар:

1) бюджет қаражаты есебінен қаржыландырылатын қоршаған ортаны қорғау жөніндегі іс-шараларды әзірлейді және оларды іске асыруға қатысады;

2) коммуналдық қалдықтарды басқару саласындағы экологиялық талаптарды орындау бойынша жергілікті деңгейде жұмысты ұйымдастырады.

3) Қоршаған орта сапасының нысаналы көрсеткіштерін әзірлейді;

4) экологиялық ақпаратты ресми интернет-ресурста орналастырады;

5) бөлімнің құзыретіне кіретін мәселелер бойынша есептерді, анықтамалық, ақпараттық және талдамалық жазбаларды дайындайды және мемлекеттік органдарға ұсынады;

6) Бөлімнің құзыретіне жатқызылған мәселелер бойынша жеке және заңды тұлғалардың өтініштерін қарайды, олар бойынша қажетті шараларды қабылдайды;

7) Қазақстан Республикасының заңнамасына сәйкес Басқарманың құзыреті шегінде өзге де функцияларды жүзеге асырады.

 

3.Табиғатты қорғау бағдарламалары бөлімінің қызметін ұйымдастыру

7. Бөлім заңнамалық актілермен, Қазақстан Республикасы Президентінің актілерімен, Қазақстан Республикасының өзге де нормативтік құқықтық актілерімен, сондай-ақ мемлекеттік органның құқықтық актілеріне сәйкес оның негізгі міндеттері мен функцияларын іске асыру үшін қажетті уәкілеттіктерге ие.
8. Бөлімді Басқарма басшысы Қазақстан Республикасының заңнамасында белгіленген тәртіппен лауазымға тағайындайтын және босататын басшы басқарады.
9. Бөлім басшысы уақытша болмаған кезеңде оның міндеттерін Басқарма басшысы тағайындайтын қызметкер орындайды.
10. Бөлім басшысы Бөлім қызметіне жалпы басшылықты жүзеге асырады және Бөлімге жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
11. Бөлім басшысы Басқарма басшылығына Бөлімнің құрылымы және штаттық кестесі жөнінде ұсыныстар ұсынады.
12. Бөлімнің құзыретіне жататын мәселелер жөнінде Бөлім атынан басқа Бөлімдерге жолданатын құжаттарға Бөлім басшысы, ол болмаған жағдайда оны алмастыратын тұлға қол қояды

Дата публикации

21 июня 2023