«Қостанай облысы әкімдігінің дене шынықтыру және спорт басқармасы» мемлекеттік мекемесі (бұдан әрі – Басқарма) бос лауазымға орналасуға конкурс жариялайды: Ұзынкөл аудандық балалар-жасөспірімдер спорт мектебі» КММ басшысы. Орналасқан жері: Ұзынкөл ауданы,Ұзынкөл ауылы, Абылай хан көшесі, 32 ғимарат; пошталық мекенжайы: 111800, телефон 871444341188, 8708214232.
Конкурс Мемлекеттік дене шынықтыру және спорт ұйымдарының бірінші басшыларын лауазымға тағайындау және лауазымнан босату ережелері (ҚР Туризм және спорт министрінің 2025 жылғы 3 қыркүйектегі №171 және ҚР Еңбек және халықты әлеуметтік қорғау министрінің міндетін атқарушының 2025 жылғы 3 қыркүйектегі № 264 бірлескен бұйрығымен бекітілген) негізінде өткізіледі.
Негізгі қызметі: Балалар, жасөспірімдер және жастар арасында олардың денсаулығын нығайтуға және жан-жақты физикалық дамуына бағытталған дене шынықтыру, сауықтыру және ағарту жұмыстарын жүргізу.
Дене шынықтыру және спорт ұйымының басшысы лауазымына үміткерге қойылатын біліктілік талаптары Қазақстан Республикасы Мәдениет және спорт министрінің 2016 жылғы 29 маусымдағы «Дене шынықтыру және спорт ұйымдарының басшылары мен мамандары лауазымдарының үлгілік біліктілік сипаттамаларын бекіту туралы» №191 бұйрығымен бекітілген.
Біліктілік талаптары:
кадрларды даярлау салаларының бірі бойынша жоғары (немесе жоғары оқу орнынан кейінгі) білім: «Дене шынықтыру және спорт», «Бизнес, басқару және құқық» мамандықтары бойынша педагогикалық ғылымдар;
дене шынықтыру және спорт саласында немесе дене шынықтыру және спорт саласындағы басшылық лауазымдарда кемінде төрт жыл, немесе Президенттік жастар кадр резервіне тіркелген адамдар үшін кемінде бес жыл, немесе Жұмыс органы бекіткендерге сәйкес Қазақстан Республикасы Президентінің жанындағы білім беру ұйымдарында немесе шетелдік жоғары оқу орындарында жоғары оқу орнынан кейінгі білім беру бағдарламалары бойынша оқуды аяқтаған адамдар үшін дене шынықтыру және спорт саласында немесе басшылық лауазымдарда кемінде үш жыл, сондай-ақ кадрларды даярлау салаларының бірі бойынша академиялық дәрежесі бар адамдар үшін: «Дене шынықтыру және спорт», «Бизнес, басқару және құқық» мамандықтары бойынша педагогикалық ғылымдар.
Білуі керек:
Қазақстан Республикасының Конституциясы (бұдан әрі - Конституция);
Қазақстан Республикасының Бюджет кодексі (бұдан әрі - Бюджет кодексі);
Қазақстан Республикасының Еңбек кодексі (бұдан әрі - Еңбек кодексі);
Қазақстан Республикасының Әкімшілік процестік-рәсімдік кодексі (бұдан әрі - ӘПРК);
«Мемлекеттік құпиялар туралы», «Қазақстан Республикасындағы Бала құқықтары туралы», «Білім беру туралы», «Мемлекеттік мүлік туралы», «Дене шынықтыру және спорт туралы», «Сыбайлас жемқорлыққа қарсы іс-қимыл туралы», «Ақпараттандыру туралы», «Мемлекеттік сатып алу туралы» Қазақстан Республикасының заңдарын;
«Мемлекеттік қызметшілерге, мемлекеттік бюджет есебінен ұсталатын ұйымдардың қызметкерлеріне, мемлекеттік кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысын (бұдан әрі - № 1193 Үкімет қаулысы);
Педагогика, психология және физиология негіздері;
дене шынықтыру және спорт саласындағы нормативтік-құқықтық актілер;
еңбекті ұйымдастыру және басқару негіздері;
еңбек қауіпсіздігі және еңбекті қорғау, өндірістік санитария және өрт қауіпсіздігі талаптарын білуі қажет.
Лауазымдық міндеттер:
Ұйымның өндірістік, әкімшілік, шаруашылық және қаржылық қызметін басқарады, қабылданған шешімдердің орындалуын, ұйымның балансында тұрған мүлкінің сақталуын және тиімді пайдаланылуын, сондай-ақ оның қызметінің қаржылық-экономикалық нәтижелерін қамтамасыз етеді;
Ұйым қызметінің саясатын, стратегиясын және оларды жүзеге асыру тетігін анықтайды.
Оқу, жаттығу және жаттықтыру процестерінің спорттық-әдістемелік және материалдық-техникалық базасын ұйымдастырады және жетілдіреді.
Педагогикалық кеңестің жұмысын басқарады.
Ұйымның спорттық дамудың әртүрлі кезеңдеріндегі спортшыларды даярлау бойынша жұмыс жоспарын, жоспарлары мен бағдарламаларын бекітеді.
Барлық құрылымдық бөлімшелердің қызметін жақсартуға бағытталған жұмысын және тиімді өзара іс-қимылын ұйымдастырады және олардың қызметін жоғары өнімді және бұқаралық спортты дамытуға бағыттайды.
Спортшылардың дайындық деңгейін және спорттық шеберлігін арттыру мақсатында жаттықтырушылардың, жаттықтырушы-оқытушылардың, нұсқаушылардың және әдіскерлердің біліктілігін арттыруды және дене шынықтыру және спорт саласындағы алдыңғы қатарлы шетелдік тәжірибені зерттеуді қамтамасыз ету бойынша шаралар қабылдайды.
Ұйым қызметінің жекелеген бағыттарын басқаруды лауазымды тұлғаларға – орынбасарларға, құрылымдық бөлімшелердің басшыларына тапсырады.
Қызметкерлерді жұмысқа қабылдау, ауыстыру, марапаттау және жұмыстан босату туралы шешімдер қабылдайды, ұйымның құрылымын, штат кестесін және ұйым қызметкерлерінің лауазымдық нұсқаулықтарын бекітеді.
Спортшылар контингентін қалыптастырады, оқу және жаттығу процестері кезінде спортшылар мен ұйым қызметкерлерінің өмірі мен денсаулығының қауіпсіздігі үшін қажетті жағдайлар жасайды.
Ұйымның әкімшілік, шаруашылық және білім беру қызметі туралы есепті тиісті салалардың уәкілетті органдарына ұсынады.
Ұйымның Бірыңғай жинақтаушы зейнетақы қоры, Мемлекеттік әлеуметтік сақтандыру қоры, Әлеуметтік медициналық сақтандыру қоры, жеткізушілер, тұтынушылар және кредиторлар, соның ішінде банктер алдындағы міндеттемелерін орындауын, сондай-ақ іскерлік және еңбек шарттарының (келісімшарттарының) орындалуын қамтамасыз етеді.
Сыбайлас жемқорлыққа қарсы жұмысты ұйымдастырады және сыбайлас жемқорлыққа қарсы іс-қимыл шараларын қабылдауға дербес жауапты.
Мемлекеттік қызметтердің сапасын бақылауды қамтамасыз етеді.
Конкурсқа қатысуға өтініш берген тұлғалардың құжаттары «Қостанай облысы әкімдігінің дене шынықтыру және спорт басқармасы» мемлекеттік мекемесінің веб-сайтында байқау туралы хабарландыру жарияланған күннен бастап 7 (жеті) жұмыс күні ішінде қабылданады.
Конкурстық ауыстыруға қатысу үшін қажетті құжаттар тізімі:
1) байқауға қатысуға өтінім;
2) кез келген нысанда дайындалған қазақ және орыс тілдеріндегі түйіндеме;
3) білімі туралы диплом;
4) Қазақстан Республикасы Еңбек кодексінің 35-бабында көрсетілген еңбек қызметін растайтын құжаттардың бірі.
Барлық құжаттарды келесі электрондық пошта мекенжайына жіберіңіз:oblsport @ kostanay.gov.kz.
Әңгімелесуге жіберілген адамдар Басқарманың веб-сайтында әңгімелесу кестесі жарияланған күннен бастап 5 (бес) жұмыс күні ішінде, Қостанай қаласы, Дулатов көшесі, 68 мекенжайы бойынша өтеді.
Қосымша ақпарат алу үшін байланыс нөмірлері: 8(714-2)-54-05-73.